是咁的，我嘅職業係ptbf: 190.因為你話

我帶阿純坐翻喺床邊

「我知道。我地抖下好無？」

「你完全唔防範我⋯⋯你就唔驚我真係會殺咗你？」

「你知唔知，當你好愛一個人，而嗰人人離開你嘅時候，你同比人殺死咗根本無分別？」

我愛你，等於你能殺死我



因為死就是，失去你

「愛一個人，需要唔怕死嘅膽量。」

「我從來無見過有人，見我拎住刀仲摟過嚟⋯⋯」

「見你可憐，忍唔住想呵翻你。」

阿純嘅眼淚一路滲出嚟，我就用拇指輕力幫佢抹



「無人會覺得殺人犯可憐架，痴線佬⋯⋯」

「我會。」

「憑咩？」

「因為你話，你最愛嘅人走咗，所以我地都係一樣。」

所謂口遁，說不入人心，就不過是堆廢話