是咁的，我嘅職業係ptbf: 184.慢慢享受

做得ptgbf依啲，就要有心理準備預咗會遇到變態殺人犯、強姦犯或者性病患者

依啲都係做依行必須要有嘅覺悟，無事由自可，有事就喊都無謂

而且死咗仲要比人指責抵撚死同自己攞嚟，比人鞭屍鞭到2047

只要工種被認為係下流，連條命都會被視為低賤

殺意喺我面前洶湧而至：「啱啱把聲我認得呀，琴日竟然失手殺佢唔死，唯有再搵個補翻數啦。」



嗰個就係我

「你又好野喎，又唔迷暈我先落手嘅？咁唔係容易搞好多咩？」

阿純伸埋右手出嚟，一把鋒利嘅軍刀反射寒光，令我不受控制咁打咗個冷震

「點得架？我話過要將我地今晚嘅一切製成我回憶之中嘅乾花家嘛，所以我一定要親眼見住你掙扎同絕望尖叫痛苦求救嘅樣先得架。」

「你唔驚其他房嘅人會過嚟咩？」



「我都有做research架，依度牆身厚，大門隔音好，隔離房嘅聲一定聽唔到。樓下阿嬸更加無可能知發生咩事。」

「準備得好周到丫。」

阿純笑，嘴角拉到上耳珠：「準備得周到，先可以慢慢享受架。」