是咁的，我嘅職業係ptbf: 176.一日嘅浪漫

「因為通常都淨係見一次，所以都會想了解下嘅。」

搵ptbf嘅女人一係就好專一淨係搵一個，一係就周街試，睇嚟阿純係後者

「你都幾濫喎。」

「我只係嚮往一日嘅浪漫。」

「一日嘅浪漫？」



「無錯，就好似煙花咁，只要有瞬間綻放嘅美麗，就係最美艷動人。」

阿純望住天花板，好似欣賞緊遙遠夜空嘅煙花咁

「就好似去旅行覺得嗰個地方係天堂，但住耐咗又會覺得嗰度都只不過係另一個塵世。時間一耐，一切都會變得醜陋。」

阿純成個人訓喺床度，將個手袋放喺床頭櫃

我都陪佢一齊訓上床



「你諗嘅野都幾特別喎，唔係個個女仔都會咁諗。」