是咁的，我嘅職業係ptbf: 170.莫道你在狩獵人
今次嘅客人叫鄭單純，同鄭家純差一粒字
佢同雞排妹比仲差少少，但已經係令街上麻甩佬同宅男經常回頭嘅美女
其實做ptbf，接到醜女肥婆老女人嘅機會真係大好多，唔知我近排行咩狗屎運，竟然靚女客多咗
講翻阿純，雖然叫單純但一啲都唔純
佢係嗰啲平日翻office已經受萬千寵愛，夜晚落club又會成為眾人焦點同獵物嘅女人
佢話發生過關係嘅男人真係有三頭六臂都數唔哂
「啲男人成日以為搞完，自己就係贏嗰個。但係每次贏嗰個都係我。」
莫道你在狩獵人，人亦能狩獵你