是咁的，我嘅職業係ptbf: 161.故事

仲記得我啱啱分手無耐嚟見阿文，大約第三次嘅時候，佢就話：「不如，我講個故仔你聽丫。」

「故仔？」

「係呀，我都練習緊第日同仔仔女女講下枕邊故事。你幫我評下分，睇下我依個準媽咪合唔合格好無？」

又真係睇唔出佢有咗

「好啦。」



佢話，從前有一個國王，就好鍾意打獵嘅

有一日國王同宰相就微服出巡去森林打獵

國王見到擋住路嘅平民就話：「皇上微服出巡呀！全部同我彈開！！！」

然後再細細聲同宰相講：「你喺路上呀，千祈唔好咁張揚，我今次微服出巡，唔想比人知我係皇帝呀，知嗎？」

宰相話，遵命



「乜鬼野故事嚟架？」

阿文笑笑口：「聽我講埋先啦。」