是咁的，我嘅職業係ptbf: 140.浩然說

浩然呼出一口煙

「我⋯⋯翻咗去之前間木工廠度做。」

佢喺袋拎咗張電話卡出嚟

係佢用嚟接客嘅另一個電話號碼

「唔做喇？」我望住佢手中嘅電話卡



「唔喇。錢都搵夠，但過咗咁耐先知，真係忘記唔到。開唔開心依家野，呃唔到自己。無意思，真係無意思。」

錢，總會搵夠

人，無法忘記

佢話，既然無辦法忘記，唯有繼續愛

「佢有男朋友喇喎。」



浩然整熄香煙

「我愛佢，同佢唔愛我無關係。」