是咁的，我嘅職業係ptbf: 112.ALEX

「你諗都諗到啦！點會真係有人搵男人練拍拖架？」

我打咗你突：「咁⋯⋯你係咩人？」

alex好鄭重咁向我鞠咗個躬：「首先我要同你講句對唔住，我一開始接近你嘅企圖係呃你嘅，我並唔係真係想搵你練習拍拖，甜甜亦唔係我女朋友。」

我⋯⋯比人呃？依條大隻佬咁好演技？

「我地係網上起ptbf底嘅小組織，不過你放心，我同甜甜佢地淨係會爆啲呃蝦條同破壞人地感情嘅賤男。」



佢真係走去開自己連登ac比我睇，嗰啲爆大鑊嘅post真係佢出

「你咁放心講自己真實身份我聽呀？仲自爆ac添？」

「我地嘅宗旨就係，如果個ptbf嘅行為同價值觀係我地認可嘅話，為表一開頭呃你地嘅歉意，就會報翻個真實身份。」

「你唔驚我報料比其他ptbf知你地嘅事？」

「我地自然有方法繼續做到測試架啦。測試嘅人同身分，爆料嘅ac要幾多就可以有幾多。」



由alex之前同而家嘅對比睇起嚟，佢甚至係佢背後嘅組織都好專業

「點解你地要咁做？」