是咁的，我嘅職業係ptbf: 101.甜言蜜語

「嗱，我地喺度食個芝士撈丁，叫一個兩份分，叫多個餸。」

「咁唔飽架喎。」

「唔駛飽，一陣會再食其他野。唔該！」

「點呀靚仔，食咩呀？」

我叫咗個芝士豬扒撈丁，再叫咗杯紅豆冰，加多份多士咁



「聽住喇，如果甜甜同你講，咁你唔飽架喎，你要點答呀？」

alex對眼望吓左上方，又望吓右上方

「係架？」

我一野扑落佢個光頭度

「你要話，飽唔飽唔重要，重要嘅係同你一齊食。」



alex恍然大悟咁「哦～」咗一聲，又將句回答抄落筆記