是咁的，我嘅職業係ptbf: 43.仙子說

波波比我率先轉身，邁步離開

我有個習慣，就係離別嘅時候，等客人轉身先

呆望遠去背影嘅寂寞，同期待對方回頭嘅盼望，都由我一個承受就夠

「喂。」

波波停低咗



「減肥加油。」

「嗯。」

仙子對灰姑娘說，魔法失效了，但你還是你

「祝你搵到，真正陪你，唔止跑步，而係一齊做好多好多野嘅男朋友。」而唔係ptbf。

「多謝你呀⋯⋯金仔⋯⋯」



仙子說，我送了一隻玻璃鞋給你，假的

願有王子為你穿上另外一隻，真的