是咁的,我嘅職業係ptbf: 37.成條叉燒
「老細,唔該一條叉燒,成條上!喺度食!」
我帶波波翻咗去一開始經過嘅燒味舖
個斬件佬聽到我叫成條叉燒,當堂呆咗😦
![](https://lihkg.com/assets/emojis/1f626.png)
但佢見到我旁邊嘅波波之後,就好爽手比咗成條叉燒我地
我拎住原條叉燒,行去卡位,坐喺波波隔離
「我仲係⋯⋯唔明⋯⋯」
「由細到大,你都係一嚿叉燒。但由你決定,就算白費心機都想減肥嘅嗰一刻,有嗰一瞬間嘅決心開始,你就唔再係叉燒。」
因為叉燒,連減肥嘅決心都無
波波吸一吸鼻水,問:「咁⋯⋯咁我係咩?」
「結果減唔減到肥都好,唔需要理。我相信嘅只係你同我講話要減肥嗰一剎那。」
嗰一剎那,便是永恆
「由嗰剎那開始,波波就唔再係叉燒,而係一個人。」
我唔知點解佢會咁感動,面上又滲出唔知係汗水定淚水嘅液體
「嚟,我地一齊成條食撚哂佢,告別你嘅叉燒人生。」