是咁的，我嘅職業係ptbf: 29.你唔係

「依個願望，我一直都無同人講過。」

聽講，生日願望講咗出嚟，就唔會實現

但原來，講同唔講，都係一樣，唔會實現

波波慢慢理解到，自己合埋眼許願嘅時候，眼前嘅漆黑到底有咩意義

「我原來⋯⋯連幻想自己男朋友會係咩樣都做唔到。」

確信自己唔會搵到伴侶嘅波波，無辦法描繪，同男朋友一齊跑步嘅畫面

我兩手拍落佢佈滿汗水嘅面上

「你唔駛再幻想喇，我就係你男朋友。」

波波有少少八字眉，瞳孔之中映照我嘅面容

佢笑一笑，輕輕搖頭

「你唔係。」