是咁的，我嘅職業係ptbf: 11.想聽真話定大話？

沉默咗一陣，波波唔再望嚿滴緊蜜汁嘅叉燒

「對唔住呀⋯⋯要你陪我⋯⋯」

我收咗錢，你無欠我任何野，點解要道歉呢？

我拖起佢隻手：「可以陪你咁行街，我好開心架，無咩需要道歉。」

波波咬住下唇：「你平時都係咁對其他女仔架？」

講完，佢好似想逃避答案咁移開視線

但見到旁邊嘅路人望住我地兩個，佢好快又耷低翻個頭

波波呀波波，介意外人視線嘅，從來只有你自己

「你想聽真話定大話？」