《拳來緣往》: 《拳來緣往》第三回

唉唉！等左咁耐，終於都偷懶唔做正經事，搵時間畫下《拳來緣往》！！




「起身呀！」

 

「起身呀大師兄！」





 

「起身啦斷水流，輸咗就好走啦。」

 

比賽一開始，斷水流就快速走到娜姐面前，使出連環三下快刺拳。娜姐未有硬接，反而是以輕巧敏捷的步法避開了。這樣做非常合理，因為斷水流的體重和身高有絕對的優勢，加上他練空手道應該會練得手腳非常強硬，而且每一拳都沉重無比，所以不硬碰硬是可以理解的。

 





「左、左、右、腳！」我不自覺地念出來。

 

果然，斷水流因為體重關係，出拳會較慢，連我都看得穿他的動作。娜姐自然更輕鬆對付。娜姐再躲開了拳之後，以快拳開路，逼使斷水流伸手格擋，護住面門。然後娜姐再使出轉身後踢，後踢勁力筆直地傳送到斷水流的腹部，他不禁後退幾步。

 

現場各位師兄高興得吶喊叫囂。可是，斷水流似乎完全沒事，又擺出架勢，準備還擊。看來這腳招不但未令他受傷，反而擊起他的鬥志！娜姐未待斷水流重整旗鼓，立即衝上前使出組合拳。斷水流以強橫的手臂肌肉，硬接了所有攻擊。突然，他瞬間蹲了下來，避開了右勾拳，然後用雙手抱腿摔抱住了娜姐的腳！娜姐反應尤快，立時向後踹，可是只甩掉一邊腳的擒抱，還有一腳被抱著！





 

斷水流抱著娜姐的腳猛力一拉，娜姐失去重心，向後跌下去。但她竟然可以雙手向後按，做出類似拱橋的姿勢，然後順勢後空翻，安穩著地。瘋了！瘋了！！這幾下動作流暢自然，非常賞心悅目，看得我痴痴迷迷，本來就弱小的心靈就這樣完全被她俘虜了！

 

「咁鍾意睇女強人，唔通你係M？」阿明淫笑地道。

 

「快啲番落台下面啦！咪上黎搞事！！」我視線還是停在娜姐身上。

 





可是，賽事要結束了。

 

娜姐以絕妙的身法鑽到斷水流懷內使出拋拳，重拳狠狠打中他的下巴，他頭部被打得仰起，然後看到一個黑影。那就是娜姐的裁拳，由上而下轟下去，直接轟到他的面上。連環的兩拳都是能一拳擊倒的重拳。我只好走過去，裝作檢查一下昏倒地上的斷屎流。他沒有瀨屎，比賽可以繼續！(說笑的。)我看一下計時器，58秒！！？這個所謂年年有獎牌的斷水流居然58秒就被打得不醒人事！我要好好考慮一下退役，忍痛盡快離開娜姐……

 

師傅出來打圓場，把這班「被運吉」的同學送走之後，這些麻煩事終於告一段落。師傅走過來。突然！！我感覺到有股氣在右邊不安好意，我身體自然反應，以最快的動作向左一閃！

 

砰！

 





左邊臉撞上了師傅的右拳……明明我感覺到拳由右邊來，為何左邊會中拳了……

 

「唔錯喎，睇黎你真係睇到啲拳。」師傅把我的衣服當是毛巾地抹手，將我中拳而噴到他拳上的口水鼻涕抹到我的衣服上。

 

「師傅，我有眼咪睇到個拳頭囉。」

 

「No，No，No。唔係架。我頭先已經留意到你喺台上口UP UP。我就知道你睇到啦。」





 

「睇到咩？」

 

「一般冇受過訓練既人，佢地係見到人地既拳發出咗，然後先能夠作出反應。而你，同一啲受過訓練既人一樣，能夠睇到『氣』！」

 

「師傅你係咪講緊龍珠呀？我都有睇呀，而加打到咩全王呀，神與神嗰啲咁，痴Q晒線！」

 

「頂你！收聲呀！我未講完呀！！」師傅拉住我的衣領，單手將我舉起。





 

「嘩！............件衫咩牌子呀？幾堅韌喎，介紹番呀？」阿明摸摸我的運動服。

 

「即係話，當每個人出拳前既0.1秒至0.5秒之間，會凝聚『氣』，然後先發出嗰一拳。由於呢個時間對一般人黎講太短，而且佢地冇『開眼』，所以佢地睇唔到，要到真正個拳打出黎既時候先睇到拳，咁就會少咗作出反應既時間。」

 

「哦！即係……」

 

「即係好似頭先咁，我故意扮出左拳，等你feel到你右邊有『氣』，你好自然就會向左閃。」師傅又裝作出左拳，我這次也自然反應地向左閃。

 

「但我都仲係中咗你第二拳呀。」我摸摸左邊臉，開始紅腫了！！

 

「因為你冇受過訓練，而加只係岩岩開眼咁既狀態。」

 

「嘩！你講到好似開寫輪眼咁喎，我係咪開咗兩勾玉喇？」我望向鏡子，看看我的眼睛是否已經有勾玉了。(當然是沒有的……)

 

雖然我實際不是太明白，不過師傅好像對我另眼相看，應該是好事吧。(以為。)然後他為了加強我的訓練，要我立即再跑多三十個圈做熱身……

 

結果整日的訓練在垂死掙扎中過去，然而，娜姐一眼都沒有看過我。(除了我嘗試偷拍她時，被她怒瞪了我一眼之外~~)

 

待續