香港都市傳說二：不能碰上的熟食攤檔: 作者少少後話

感謝大家支持這次的都市傳說，本土嘅創作，本土嘅故事，本土嘅傳說，呢啲一直都係我想寫嘅嘢。 可能有人會話（亦都曾經有人同我講），呢類嘅小說只適合香港人閱讀，並不適合其他地方嘅人，咁會少好多人睇架喎。 其實我知架，我明架，其實每個故事只要做一啲架空設定，例如熟食攤變成小食店，某某大屋，某某鋪頭等等，咁已經可以擺脫到過於本土嘅問題。讀者可以根據自己嘅認知去補完嗰個地方嘅模樣，咁就好容易適合埋其他地方嘅人睇。 但筆者作為一個香港人，喺香港生長，喺香港生活，首先諗到嘅，就係想滿足生活喺呢個地方嘅讀者。如果連自己人都滿足唔到，咁......寫作對我嚟講就會變得無咩意思。 而且，作為都市傳說，我覺得地方非常重要！日本有日本嘅傳說，台灣有台灣嘅傳說，美國有美國嘅傳說，既然其他地方嘅傳說能夠傳到嚟香港，我相信香港嘅傳說一樣可以。（當然希望做到啦，嗚呀！） 同埋，作為一個另類嘅方式，用都市傳說去認識香港，都唔錯呀（好似係） 最後，都市傳說二正式完結，之後會繼續努力寫其他故事（有太多諗法，但時間有限，真無奈）希望鍾意呢個故事嘅朋友，對故事有任何意見嘅朋友，對將來想睇啲咩有意見嘅朋友，可以留言話我知，又或者直接inbox我都得！ 最後之後又有最後，希望大家覺得好睇嘅，可以幫手share出去，作為作者嘅我當然想有多啲人睇到啦！同埋，可以嘅話，去我facebook跌個like支持下
https://www.facebook.com/insidemyheart2015

下個故事見啦