FASD-----神秘部門和不可告人的秘密計畫: File 002: 年度選拔賽(2)
「喂，我係下面間台灣野攞到位啦，唔該你快啲捉住個隻變態JJ落尼，如果唔係你就死」
過咗三個字，阿賢同JJ終於捨得離開親愛的office，落尼食飯。係我同阿賢對於年度選拔賽既「熱烈」討論中途...
「原諒我~ 這一首~ 不為~ 誰而~ 作的歌~ 」
周圍既人對我地呢檯投以鄙視既眼光，初頭我都唔係幾明，直到阿賢攞起份機密文件一野拍落JJ度
「X你，嘈夠未姐，你唔係林俊傑，係凌晉傑呀，唔想俾人拍片網絡公審就收聲啦！」
我係呢個時候先明其他人係因為JJ胖虎級既歌聲係咁鄙視我地。算啦，JJ鏈一向都係「FASD歌神」，外號「冇得頂」...我意思係冇人頂到佢超過十秒。
「我可唔可以去長州做選拔賽helper，去唱歌順便去吃好西？」JJ又想去_出國際
「我地既舉辦地點都唔係長州，我地會借係長州對外搭半個鐘船去到既FASD海島實驗室搞呢次既選拔賽，你咪使旨意有得係長州食nong果lor買辭」
「芒果糯米糍呀！有冇搞錯呀」
呢個時候，阿賢提醒咗我一樣野，我地兩個好似連參加者既小量題目同特別措施都未搞掂，仲有兩日就係星期日，我地到底搞唔搞得切？
我偷偷地whatsapp阿賢
「不如我地今晚視像通話搞埋佢」
「👌」佢秒速回覆左我。