已經二年了，我決定全力去追佢。: 第二章：一秒朋友；一秒敵人

講返起2015年既事。我有一個算係ok熟既朋友，佢叫阿杰，我同佢有一次跟學校去旅行，仲做咗4日室友。其實我早前聽過阿澤講過阿杰鐘意阿欣。咁當然我就扮無知啦，但起呢幾日旅行入面，阿杰成日同我講話鐘意隔離房既女仔阿雪（阿雪係我同班同學）。

阿杰：喂！阿明你同阿雪一班既。
我：係，做咩咁問呀！
阿杰:你可唔可以話阿雪既野比我聽呀衰鬼。
我：。。。佢D野關你鬼事咩
阿杰:其實我呢。。。。。
我：妖你有野就講啦!
阿杰：我鐘意阿雪。。。
我：吓，你。。。講真架？




阿杰：呃你做咩。

之後我咪話咗D關於阿雪既野比阿杰聽。
如果阿杰成功既話，咁咪會少一個人去追阿欣囉！
阿欣都有好幾個人追架，雖然佢起我眼中唔係女神，因為女神係攞黎仰慕既，而唔係攞黎追架。我都係為咗易D追阿欣，所以先幫阿杰。

但完咗個旅行之後，我先發現原來阿杰仲有追阿欣，咁當然我就冇同佢因阿欣而嘈架，只我之後都冇搵阿杰。我知道阿杰冇咁易搞掂，不過我個陣只可以見步行步，同我爭既人唔止一個。