《為了妳，我成為了一個仆街》: 《序》

      我叫吳永傑，我係一個住在新界區的鄉下仔，平時都唔會出去九龍香港走走。我和很多學生都一樣，成績平平，總之就不是讀書的好材料，不過也算是入了學校所謂既精英班，六年如是。讀書是為了什麼，這問題我在中一至中三也得不出個能被自己認同的答案。直到中四那年，比我見到那個女孩，那個一生都唔會忘記的女孩。


由於中一至中三，我也是同同一班同學一班，男同學間都叫我們的女同學「暴龍」，至於原因......，所以我較為有興趣的女同學真的一個也沒有，可能因為我比較喜歡文靜的。


到了中四那年，可能因為選科既關係，我和一起了三年的同學好快就要分別了，說來也是有點兒依依不捨，但說穿了也不過是分班而已。


因為成績平平，要和「舊」同學編同一班也是有些困難，所以我選了平常人都不會選的M2，因為老師說只要選M2就必定會入讀精英班。






結果如我所料，到了4E班，我戰戰兢兢地依照老師的指示坐下。由於好多都係「新」同學，而我輪坐的是一位不愛說話的男同學，當然我也是這類人。


「喂阿傑。」劉明耀在小息時把手搭在我肩膊問我。


「點呀，留名。」我自然帶著微笑回答。






「你覺得班上有冇啲比較靚既女仔呀。」


「那個吧。」我指著一個個子纖小，束著一條如絲綢一般柔軟的馬尾，帶著半框眼鏡既女同學說。


「嗰個都OK既......」蔡偉恆走了過來。






「阿恆，你呢？你睇中既我哋就唔洗諗啦......」我笑說，因為阿恆既成績都是平步清雲，運動細胞更不用說，是同學們口中的萬人迷。


「我...冇呀......」阿恆低著頭回答。


「收收埋埋。」留名奸笑說著。


「真...真係冇呢!」阿恆慌張回答。


就這樣，中四既第一個小息就在笑聲中結束。這時，我還對那個半框女孩不以為然，但原來我一早已中了愛神之箭。