港女們，求下你放過自己男朋友啦

老套啲 簡單自我介紹下，90後，死港女+女漢子，講野極爛口，有啲麻甩有啲男人都有啲臭x性格，鐘意講廢話寫潮文寫廢文。
感情狀況：戀愛中 。 感情歷史：1次比人飛1次飛人
順便賣個廣告 Like下Facebook page : 港女漢子

成日聽到身邊啲朋友嗌生嗌死，男又好女又好，只要男/女朋友或者男/女神藍tick你，已讀不回甚至不讀不回，好似世界末日咁，講真我諗北韓試唔試核，特朗普打唔打北韓佢地都冇咁緊張。

唔講男/女神，比人收兵無話可說，淨係講啲戀愛中嘅男女，由其針對港女（冇計，戀愛中聽到最多埋怨已讀不回多數都係港女）

港女們，好心啦，已讀不回咪由佢囉，佢係你條仔，你驚佢一世唔應你咩？！如果你真係有呢個念頭，我諗你地一齊都無謂啦下話？
佢一個鐘唔應你，兩個鐘都唔應，玩完返到屋企咪又係會應你。佢係出面打緊波踢緊波，你唔係期望佢電話跟身邊跑邊錄音邊喘氣：BB係呀我做緊運動呀等陣搵你呀～muah～



屌，到時你聽到咪又係以為佢做緊另一種運動，然後無限ff覺得佢聽你電話係叫你唔好煩住佢做另一種運動～
好心啦幾廿歲人⋯唔好咁多幻想，比多少少信任，你自然唔會覺得已讀不回係啲咩

更加唔好講佢同緊成班兄弟飲酒吹水，你同成班姊妹行街shopping或者追bigbang都唔想佢奪命追魂call咁打比你啦下話？
佢同兄弟飲酒吹水一定係最放鬆嘅時間（唔計應酬同自己一個人），你連少少放鬆時間都剝削佢，係咪想佢同你講byebye然後徹底地自由？
你係佢女朋友，佢見你又見得最多，講又講得最多，你咪由佢輕輕鬆鬆返黎再對住你。咪再係佢同兄弟個時閪佢唔覆你機唔見人啦～

拿不過咁，帶返個頭盔先，男人們做足適當嘅報到又的確可以減少女人們嘅胡思亂想，真真真極煩港女例外。



下回繼續