是咁的，派過好人卡比我嘅女神，話想我做佢條仔: 第四章:其實你最想遇上的人是誰?

第四章:其實你最想遇上的人是誰?
在咖啡室遇上李頌欣，第一種感覺是驚慌，而第二種感覺是失望。

我為何會失望?

女店長說:「既然你地係識嘅就好喇，我今朝早有點事要做，你地加油啦!」說罷，便轉身走了。

很不負責任的老闆。

女店長的離開，留下我和李頌欣在咖啡室。





當然，其實還有那個叫Henry的甜品師在場，只是他正在專心弄它的「藝術品」，根本不會，也不想理會我們。

尷尬的氣氛洋溢着我們之間。

地板明明早已被擦得一塵不染，但我仍然還在拖地，妄想把它拖到有塵為止。

而她與我一樣，明明早已把咖啡豆磨成粉未，也妄想把粉未磨回完整無缺的樣子。

然而這樣做，誰也打破不到尷尬的氣氛。





於是我終於開了口:「喺度遇到你真係好啊，有個認識嘅人一齊工作。係喎，你喺度打工嘅話 ，咁點解你琴晚會話依間Cafe嘅野吾好嘅?」

因為我還依稀記得在昨晚，Water Cafe成為我表白失敗後不錯的落台階。

「無啊，我琴晚其實係想睇下Water Cafe喺人地眼中係點姐，點知得到嘅反應咁差囉！」她回答。

「吓，我琴晚吾係想話Water Cafe差架，只係附和你架咋，其實我上一次黎都已經係好耐之前，你嗰時都仲未喺度做。」我說。

「哦，咁都好點，姐係吾關係我事啦!」她好似好開心咁，「係呢，想吾想試下我親手沖嘅咖啡先?」





「好啊，咁就沖杯『華山論劍之黯然銷魂』特調咖啡比我啦!」

「你估我係『等一個人咖啡』嘅阿不思咩!」她頓了一頓，「咪住先，吾會係女店長同你講我咩野咖啡都識沖架嘛!」

「係啊，你又知?」

「點會吾知，佢就係一個咁亂黎嘅女店長黎!」她想了想，「咁佢又無話我成日都遲到啊?」

「有啊！仲等我以為嗰個女員工就係錢嬉......」我冲口而出，差D講左佢嘅全名出黎。

「錢嬉?慈禧太后啊?」

「係啊，慈嬉太后係我中學一個成日遲到嘅同學嘅花名黎。」





「個名咁正嘅，佢好獨裁架咩，點解會叫慈禧太后嘅?」佢問。

個花名係假架，你叫我點答你姐。

但係吾知點解，我突然好認真咁回答:「其實佢吾獨裁架，佢幾靚女，而且仲幾nice幾friendly添。」

「咁佢girl吾girlfriendable先?」

我又好認真咁答佢: 「都ok嘅，個樣好似好文青，但又好熱情，熱情得黎好似好體貼咁囉!」

「其實你最想遇到嘅人係邊個?」

一針見血的問題。

為何我會常聯想到那個她呢?





我掛念她?難道我真的想重遇她?

心裹的失落感，真的是因她而起嗎?

她見我呆了幾秒，便說:「吾好意思，問左條九吾搭八既問題添。」

「其實點解琴晚你要拒絕我?」

我以為依個問題會令佢諗好耐，點知佢就好快就答我。

「因為我有鐘意嘅人，而且我吾鐘意你。」

佢答得好爽快，好中point，這也是我喜歡她的原因。





此時，我看看廚房，一對目光正偷看我們，聽着我們說話。

這是一個冷漠的人，但帶着一對好奇和關心的目光。

聰明的我立刻明白甚麼事。

李頌欣所說喜歡的人，大均就是這個甜品師Henry吧，而Henry大均也是喜歡她，所以才會對我這個表白失敗還要問理由的死毒撚產生敵意吧!

客人進來，打斷了我的沉思，也終斷了我們的對話。

之後都是中午的繁忙時間，客人如雲，加上後來女店長也回來了，所以除了工作，我們再沒說過話了。

該問的問題都問完了，整個人輕鬆得很，終於可以結束對她的愛慕，終於可以再愛其他人，再收好人卡，然後又惡性循環了。

心頭大石放下，心中再沒甚麼好想。





不，仍有條問題在我心裹，正問着自己。

「其實你最想遇到嘅人係邊個?」

對啊，我在咖啡室最想遇到的人是誰?

真的是錢嬉雅嗎?

那個時候，我走出廚房，看誰是遲到的女員工，看是否錢嬉雅時，抱着的那期待心情是為誰?然後，知道是李頌欣，而不是我滿心期待的錢嬉雅時，那種失落感又是為誰而起?

放工後，日落西斜，影子華麗的投在石磚上。

我慢步回宿舍，那些問題仍徘徊在我腦海，纏繞不清。

此時電話響起，是我好友黎石揚。

「錢嬉雅黎左，喺宿舍等緊你啊!」