比多次我揀，我都會入電影呢行，再黎多次醉生夢死。: 8.

 
《 華生道:「夕陽不美，是因為太陽要開始墜落。」 》
 
 
在加入九UP的短短一個月間，我每日的工作就是回到一個六百呎的工作室學習。據教我的前輩的說話是:「學下乜撚野叫電影。」每次見面他都會重複這句話，然後再答我:「屌你個屎忽，電影咪就係錢之嘛。」
 
「屌你個屎忽」是他的口頭蟬。
他是志叔。今年已擺六十大壽，心境卻像二、三十般，是個討人喜愛的活老頑童。據Peter的說法，他以前是兩大武指班底的其中成員，是個香港電影黃金時期的產物。在他那一代，每一個電影人都很「當紮當打」、十頂全能。志叔說這是「比師傅打出黎」的成果。我很喜歡志叔，因為他是我在這圈子中我唯一一個感到用真心來對待我的人。
 
晚上八時十七分零八秒，我依然待在公司裡，翻查著以前的場記單及導演單的資料，看看那些分場要怎麼做，因為我第一個工作就是場記。




 
分場即是一套電影都由許多場戲集結而成，而可能當中第一、第十、第廿七場戲都是在餐廳拍攝的話，我就要將它們分類為一個項目，方便拍攝。
 
「嘟、嘟、嘟、嘟、咇。」在我聚精回神中，有人按密碼鎖進來了。

「徒弟仔！搞緊乜撚野啊你！」志叔那如米奇般的聲音隨著他滑稽的步姿奔了進來。「今日都好精神啵志叔。」我打了一聲招呼。「屌你個屎忽，個人唔精神啲就兩腳一伸架啦！」志叔將頭往我一伸又道:「哦⋯⋯做緊野咁乖啊，好彩都仲識自己搵下資料。上次教果個死𡃁仔又話自己咩大學電影系畢業，挑！都唔知佢讀乜撚野既！依家啲人去得教書啊，就即係佢撈得燶先去教。咁你話啦，邊到會學到野先得架？」志叔走向雪櫃拿了一罐梳打，搖搖頭自言自語地:「電影邊撚到有得讀架⋯⋯」
 
對於志叔嘮囌的一面，我已習慣。我努力地整理著眼前的資料，但這劇本是說平行時空的故事，實在太混亂了。我抽起一根菸，理平那紛亂的思緒。
 
我也是剛剛學抽菸，因為我覺得寫「一根菸的時間」的作者也要抽菸，才能寫出那種心情。




 
「徒弟仔！你知唔知你寫漏乜啊！咁撚緊要既野你都漏！」志叔響亮的聲音忽然在我後面出現，我被嚇得連手中的香菸都掉到地上。「寫漏乜啊志叔⋯⋯」
 
志叔手指指向演員那行:「演員都要著衫架嘛！你唔撚寫，啲梳化服就企鳩哂係到架啦！」他作勢打了我兩巴掌，笑了一笑:「以前果套教人既方式唔岩架啦，時代唔同左，人就跟住進步。唔係話以前既野唔好，以前既野好好架。你睇下咸蛋超人，以前日本仔都係學我地套野番去拍架炸。好聲好氣講，咁你下次咪記得囉。」
 
我由衷地向志叔點了一下頭，站起來向他鞠了一個九十度的躬 。志叔連忙扶起我:「我唔行呢套架。拿，你以後有咩唔明就要問啦，唔問呢你就輸鳩哂！學電影一係唔學，一係就學撚盡佢！知道未！」
 
「收到大佬！」
 
「無啦啦鞠躬，真係屌你個屎忽，死人咩⋯⋯」




我從來不知原來這句話是志叔心懷安慰的代表。