當年我曾經追到一位女神,但我竟然飛左佢。: 第三十節:友好

今日係放完復活節假既第一日,我約左阿彤係出面食完早餐先返學。

食緊野既時候我問阿彤

「陣間返到學我唔知點樣面對阿靜好,妳覺得我可以點做?」

「應該無乜野既,阿靜個日都主動放手,證明左佢應該睇開左,無問題架啦」阿彤答番我

「希望係咁啦,我都唔想同阿靜面阻阻。」我講





食完野我地就行返學校,一路上我諗番起好多回憶,阿彤第一次捉起我隻手同第一次正式約我。

我有一段時間好驚同唔番阿彤係埋一齊,依家總算可以放下心頭大石。

返到學校如常集完隊上課室,上到課室我本來想同主動阿靜打開話題，點知又比佢搶先一步。

「喂阿東依條數我又唔識解啦,可唔可以教下我。」阿靜問我

「緊係可以啦,但妳真係無野?」我問番阿靜





「可以有啲乜野呢?我一早睇開哂啦,唔洗擔心我。」阿靜已經估到我諗咩

「好啦,邊條唔識呀拎黎睇睇啦。」我問

教阿靜既同時我亦見到阿彤原來一直望住我地,阿彤微笑住用口型同我講「都話無野架啦」。

我同阿靜依家既關係同好似返到一年前咁,但唯一唔同既係我地兩個變到更加友好。

阿彤注意到我依排成績有稍微既下降就係小息同lunch幫我私人補習。





唔知點解阿彤教我既野特別易上腦,係因為佢係全班第二既關係,定係我地係情侶既關係,特別容易了解對方既諗法。

放學既時候,我同阿彤一齊返屋企,但佢又唔想咁快返屋企,咁我地兩個就拖住手周圍行下。

買下小食,夾下糖,行下格仔店,最後去公園打下韆鞦。

早知我同阿彤做既每一樣野我都覺得好幸福，最後我都係分叉路都分別,臨走前佢仲好依依不捨咁拖實我隻手。

我同佢講完聽日見啦阿彤先肯放手，我望住佢行遠左我先再行返自己條路返屋企,我地就係咁平平淡淡就過左一日。


【有人話,係中學未試過著住校服拍拖係一種遺憾,我答你依個講法係正確既】