當年我曾經追到一位女神,但我竟然飛左佢。: 第八節:反思

放完聖誕假,又要再番學面對沉悶既課堂

今朝早如常約左阿禧番學校食早餐

「又食餐蛋麵,唔厭唔厭架你。」

「你日日食飯你厭唔厭呀?」我反問番阿禧

「唉,唔夠你講,做哂聖誕功課未阿,借啲黎抄」阿禧以求我既態度問我





當我地講講下功課既時候,突然有個高from身型肥大既師兄走埋黎

佢個名叫肥施,同阿權一樣成日蝦蝦霸霸

「你就係夏至東?聽講你同緊阿彤拍拖喎」肥施審犯咁問我

「無呀,我點會同到校花拍拖呀」我對住佢講大話

「真係無?我有朋友聖誕節個日見到你同阿彤係尖沙咀喎」肥施再一次問我





「咁應該係你朋友認錯人,我聖誕同阿禧全日係屋企打機。」我答

阿禧亦都好醒目咁點頭

「咁就好啦,唔好比我知道你講大話呀,你都知自己襯唔起阿彤就好,褲鏈仔。」肥施笑笑口咁走左

「你今次大鍋啦,連肥施都黎問你,睇黎阿彤真係女神到全校都著迷。」阿禧話

「我都唔想野到痳煩,真係要低調啲啦。」我講






但頭先肥施講得無錯,我係唔係真係襯得起阿彤?

lunch既時候阿禧要留係學校做返啲功課,而阿敏就約左其他朋友

所以今日lunch得我同檸檬兩個人

「做咩今日成日心不在焉呀」檸檬問

「無野呀,諗緊陣間食咩」我答

依一刻其實我諗糾結緊自己係唔係襯唔起阿彤

【自卑感係由了解自己既男仔對條件好既女仔所產生】