《打賭輸後要溝女神》: 【第九章】越來越愛
隨着歌舞團表演的落幕，轉眼間又已經是一個禮拜的開始。
懶洋洋的陽光把我喚醒，它也一定很想休假一天吧。
學校的海報已經拆了下來，但禮拜五那狂歡熱鬧的氣氛還瀰漫在周圍。
我到了食店買了一份三明治和豆奶後回到課室邊看漫畫邊享用。
把早餐吃完時，江聰明剛巧也回來了。
「喂喂~聰明哥！」我笑道：「你張簽名照呀。」
「哇！！！」他好像不敢相信自己雙眼，掩着嘴巴暗自興奮：「多謝曬！！」
「記得請我食5餐飯呀。」有這麼蠢的朋友真好。
「冇問題啦！我靠呢張相可以拎到兩個月嘅飯錢啦！請5餐飯有乜所謂！」他捧腹大笑。
什麼！？兩個月的飯錢！？到頭來我才發現，最蠢的人是我。
江聰明果然是名副其實的聰明過人，這所學校真是充滿商機。
我無奈地搖搖頭，爲着那兩個月的飯錢就這樣飛走而默哀十秒。
早上閱讀課的時，陶海敏用原子筆碰了一下我的手臂：「阿逸你係咪會請我食飯？嘻嘻。」
「你個腦入面剩係得翻食。」我用筆敲了一下她的前額。
「車~咁你話過會請我吖嘛！嘻，今日一齊食啦！」她喜孜孜地說：「不過...你會介意小欣同阿震都會一齊食嘛？」
阿震...也會來嗎。
「唔...梗係唔介意啦。」我說：「咁Lunch係門口等啦，再決定食咩。」
「好！」她甜笑道。
中午，溫暖的太陽高照，我們最後決定到學校附近一家叫老表喇沙的食店，我特愛這裏的芒果梳打，讓人回味無窮。
「老闆娘，唔該一個A餐配熱情果梳打！」陶海敏莞爾的說。
我愣了一下：「哇！你叫最貴！？」
「梗係啦！難得你會請我啵！仲唔好好把握！？」她吐了吐舌頭擺鬼臉。
看着她那可愛搞怪的表情，我便捨不得移開視線。
「呢個假期都冇點放鬆過，高中生活真係幾攰。」梁小欣皺眉道。
原來她也會覺得累嗎...
「咁不如今日放學去玩下咯？哈哈。」阿震露出陽光笑容。
「下次啦~今日要圖書館當值！」她笑着跟我對望。
「我琴日睇嗰三本書都睇完啦，今日再借過先！」梁小欣不愧是梁小欣，好一個讀書狂人。
回學校後因爲飯氣攻心的關係使我睡了大半堂數學課。
一醒來便看見陶海敏又用原子筆輕輕的敲打着自己的前額，我便知道她的腦又塞住了。
「需唔需要男神幫你呀？」我笑問。
「車~我可以自己搞掂！」她愁眉苦目地說。
只是過了三秒，她便隨即用手指輕輕捉住我的衣袖：「我講笑咋...」
我掃了一眼題目，花了三十秒的時間來完成。
「原來咁簡單咋！？」她亮了眼道：「估唔到你咁聰明啵~」
「我係不嬲都咁醒，而你係持續性咁蠢。」我搖了搖頭後嘆氣。
「哼！你覺得我咁蠢記得放學唔好過黎圖書館，免得又要麻煩你！」她嬌嗔道。
「哇，去當值會有分加啵，我先唔會中計！」我輕輕的拍了一下她的頭。
鐘聲甫響起，周圍的同學也紛紛揹着書包離去，放學時擁擠的走廊永遠是青春的美麗記錄。
我跟陶海敏邊開玩笑邊走着，在圖書館外放下書包後便進內當值。我發現了她把我送她的小黃雞鎖匙扣扣在了背包上。
「咁可愛嘅？邊個咁好人送你㗎？」我開玩笑道。
「車！」她忍俊不禁，臉頰也笑得通紅：「自己讚自己~」
「不過...多謝呀，真係好可愛！」她又喜形於色地說。
今天一如以往，圖書館仍是讀者如雲。
好不容易終於有歇息的空間，只見陶海敏正讀着一本名爲《我的美國留學日記》的小說。
「扮勤力。」我坐了在她的身旁道。
「咩呀~呢本小說好好睇呀！係我嘅偶像倖存寫㗎！」她的眼神裏充滿着仰慕。
「車...佢寫嘅小說有幾犀利呀？」我擦了擦鼻頭：「如果我寫嘅話，一定勁過佢，我會證明比你睇！」
她噗呲一笑：「希望啦~」
「不過我真係好憧憬故事入面嘅戀情......如果可以搵到一個人長相廝守，係一件幾咁美好嘅事！」她雙手托腮：「真希望有個咁嘅人！嘻嘻~」
「諗下好喇，等到世界末日都唔會有呢個人出現。」我笑道：「或者我可以勉強要你嘅。」
「癡線！」她輕輕的推了我一把後笑說：「邊個想要你~」
今天圖書館主任很早就放我們走了，外面還是湛藍的晴空。
「先五點，去唔去飲啲嘢？」我揹起背包問。
「係咪你請先~」她眼前一亮的笑問。
我皺眉猶豫了半秒，她拍了一下我的手臂：「講笑咋，你真係信，話咗你係蠢人！」
「不如飲『貢茶』？我都好耐冇飲過......」從她的眼神我知道她有多渴望去品嚐這家的飲料，因爲她家總是對飲食管這麼嚴，自然她也不怎麼敢去喝這些吧。
「好呀！我都好鐘意個百香果珍珠綠茶。」我笑着給「讚」。
我們到了學校附近的奧海城二期，今天並沒有太多人排隊，她喝的是水蜜桃珍珠綠茶。
我們邊喝邊逛着奧海城，走到The Sky，她停了下來道：「近排有套《波士BB》個BB好得意呀！不過後日就落畫啦......」
「咁一係買飛聽日睇咯。」我喝了一口百香果珍珠綠茶後道：「想做就做。」
「我見小欣今日話近排壓力大，不如叫埋佢哋去睇？」她提議道。
這個「佢地」...包括阿震嗎...
「好呀，多啲人熱鬧啲。」我淺笑道。
「我仲未肯定佢地去唔去睇，聽日決定咗先黎買飛入場睇啦~我記得聽日有場四點三嘅！」她露出滿足的愉悅。
走着走着，驀然發現在左邊的商鋪正是范愛笑和刑百勝。
「唉...笑笑同刑百勝真係羨煞旁人。」陶海敏突然嘟着嘴說：「連笑笑住東涌佢都日日送！」
「做咩呀你~咁恨拍拖咩？」我笑道：「諗下好喇，冇人鐘意蠢嘅女仔~」
「車~到我第日有個超級犀利嘅男朋友你就後悔啦！」她雙手抱胸道。
「睇下點~」
其實...我想成爲那個人，只是有些說話在你面前...我說不出口。
甫走出奧海城，已經看見被晚霞燒紅的天空。
「送你翻屋企啦，費事你又比人打劫。」我開玩笑道，其實也只是找個理由能繼續待在她身邊。
「好呀，你要做我一日保鏢。」她抿嘴而笑。
如果允許，就算是永久保鏢又如何？
感恩上天，這段路程時間挺漫長的，能讓我好好感受二人肩並肩行的感覺。
「好啦，保鏢送到呢到咋~」我說：「如果唔係嗰嘅話保鏢都唔夠你爸爸打。」
「嘻嘻~」她笑逐顏開地說：「咁好啦，多謝保鏢你咁盡責送我到呢到呀！聽日見啦，哈哈~」
我揮揮手便轉身離去。
果然還是有點不甘心呢...即使我們可以走得很近，但關係還是無法更進一步...往往只是停留於原點，但又卻找不到去突破的錦囊。
阿震又在你心中佔了多少分量...？
哎唷，我到底在想什麼......
想到這，我不禁拍了一下我的腦門兒：「死蠢，如果真係鐘意人就唔好怕有其他人爭啦。」
畢竟...她是「少女時代」的五大女神之一，窈窕淑女君子好逑是正常不過的事情吧......
回到家後，我開始細讀着這個叫「倖存」的小說，就從那本...《麥當勞遇到女神》開始吧，看了好幾章後還是不禁說一句：「其實我都犀利過佢啦......」
晚間，我還是耐不住寂寞，傳了一則訊息給陶海敏。
「Hey！聽日佢哋會唔會黎？」21:12 我
「佢哋唔嚟呀...小欣原來有補課、阿震就要去籃球隊比賽...」21:13 陶海敏
「如果得我哋兩個去睇你會唔會介意？聽日係最後一日可以睇啦><」21:14 陶海敏
媽呀！當然不介意！！
「（OK的手勢）咁聽日放學一齊去啦。」我懷着興奮不已的心情傳送這句。
同一時間。
「阿逸，聽日睇唔睇狂野時速8？好撚正！！」21:16 江聰明
「我...聽日約咗人睇另一套呀...禮拜六日我得閒呀。」21:18 我
「唔係掛...約咗陶海敏！？」21:20 江聰明
「有冇人讚過你聰明絕頂到天下無雙？」21:23 我
「唉...你明明之前係 WhatsApp 同我講過話你當場打賭係玩下，唔會對佢有Feel，睇下你宜家！」21:25 江聰明
「好啦，禮拜六同你睇番啦，聰明哥。」21:27 我
看到這，又讓我想起了一切的起源......都來自一場男生的無聊打賭...
我打開了JOOX，播放着飛輪海的《越來越愛》，回憶着這一切。
// 如果青春只剩一張絕版海報 把你貼在額角 //
一場爲期七日的打賭...但卻被我無限期延遲。
// 收藏你的背影變成無價之寶 由我到處炫耀 //
這個懲罰...我甘願接受一輩子。
// 怎麼辦我越來越愛 快給我大聲公告白 //
從起初只覺得打賭七天過了就好，經歷過大大小小的趣事，一起當圖書館管理員、被邀請去看歌舞團表演、一起到海旁看日落......
// 愛就愛馬上要精彩 不要彩排 //
到後來那種悸動的感覺...我可能真的對她越來越愛吧......
// 為你哭 為你笑 為你 down 為你 high 不抵抗 不耍賴 不悔改
管他的青紅或皂白 只要對你崇拜 //
愛若停不下來，就讓我越來越愛吧......