寫一首情詩畀暗戀女仔，點知佢出返條謎題畀我.....【各大書局上架】: 第八章

隔了五分鐘後，我便看見小藍急急腳的下樓。
 
 
她穿著白色的T-SHIRT和休閒短褲，是有別於在她穿校服的清新感覺。
 
 
我的心跳應該超過190，心一直砰砰砰砰砰砰砰砰砰地跳過不停。
 
 
手汗一直在流，緊張得要死。




 
 
特別是她跑過來的時候。
 
 
「Sorry呀，你係度等咗幾耐呀？」她應該沖完涼不久，頭髮還是少少濕潤的，帶點芳香味。
 
 
「無呀一陣咋嘛。」
 




 
「點解專登過嚟嘅？」她望著我問，我有點不太敢望著她，因為太接近，而且她的眼睛好美，圓潤水盈的眼睛總是讓你有沉醉的感覺。
 
 
「妳生日嘛！」我勉強一笑，其實早已緊張得臉部肌肉僵硬得很。
 
 
「你講咗啦。」她笑說。
 
 




「我想今日親手送禮物畀妳。」我從身後拿出一個袋，袋中拿出周杰倫的《范特西》專輯給她。
 
 
「多謝！」她驚喜地接過，然後問：「你點解會知我鍾意佢嘅？」
 
 
「因為大佬花講畀我聽。」
 
 
她想了一想以後，再笑問：「所以你扮佢？」
 
 
「係呀......」我續說：「呃......妳唔好驚奇......」
 
 




「驚奇？」
 
 
「入面......有多一張CD，其實係......我唱嘅歌。」
 
 
「哈哈！真係架？」她笑得像一個蘋果一樣甜，再問：「你唱咗邊首？」
 
 
「我唱咗簡單愛......」此時我已感到全身很熱，好像困在桑拿房一樣。
 
 
簡單愛是代表那個年紀的我真摯的心聲。
 
 




「你塊臉好紅.....」
 
 
「可能好熱。」
 
 
「哈哈我一定聽！多謝你呀！」
 
 
「其實仲有一樣禮物.....」
 
 
我把袋子交給她，她一拿起我買的手作袋後更加驚訝。
 
 




「唔得。」她搖搖手和頭說。
 
 
「下？」
 
 
「我唔可以收呀，太貴啦。」
 
 
「但係我都買咗啦啵。」
 
 
「Sorry呀......一係我畀返錢你呀？」
 
 




「唔洗啦，唔洗啦。」
 
 
「我自己都覺得好貴......對唔住我搞到你破費。」
 
 
「其實都唔係啫。」我再次遞給她說：「我唔會用架啵，擺係度無用。」
 
 
「但收咗我會覺得好唔好意思.....嗯......」她痛苦地思考一會後說：「一係你留住先，我遲啲搵到一樣野再同你交換。」
 
 
「遲啲？」
 
 
「聖誕節嘛。」
 
 
「妳想同我交換聖誕禮物呀？」我高興地問。
 
 
爽死我，我沒想過可以跟小藍交換聖誕禮物！
 
 
「可唔可以呀？」
 
 
「可以可以，一言為定！」
 
 
「不過下次唔好咁貴重啦，其實......」她舉舉手中的專輯笑說：「我比較鍾意哩份。」
 
 
「我下次識做。」我笑說。
 
 
「咁我走先啦，爸爸係上面等緊我，拜拜。」
 
 
「拜拜。」
 
 
心情舒暢了很多。
 
 
「喂。」走沒幾步，小藍忽然在背後叫我。
 
 
「做咩？」
 
 
「其實你明唔明我寫嘅係咩？會唔會太......」
 
 
「我會明，放心啦。」我堅持說。
 
 
我不想由妳去解開，我想親自地由自己去明白妳所寫的。
 
 
「小藍生日大作戰！」我想應該是成功一半吧！
 
 
起碼小藍也算是開心吧？
 
 
回家的路上，我一邊唱歌一邊走。
 
「我想就這樣牽著妳的手不放開～
愛可不可以簡簡單單沒有傷害～」
 
 
今晚的月色很美。
 
 
回到家中，便收到他們的訊息。
 
 
「唉，出事啦。」
 
 
星期一的早餐時間，我們便討論阿明口中所講的出事是什麼。
 
 
「出事？」
 
 
「係呀，我同佢交換咗電話呀！」
 
 
「邊個佢？」龍威問。
 
 
「上次自修室嗰女仔？」我問。
 
 
「係呀，就係佢！自從上次之後，佢每次都會坐埋嚟問數.....一齊溫書。其實幾好傾嘅，傾下傾下，佢就問我拎電話啦！」
 
 
「咪住先，點解我好似乜野都唔知咁嘅？」
 
 
「你贏家嘛。」
 
 
阿明將整件事的大概告訴龍威，經過龍威的分析，十之有九那個女生對阿明挺有好感。
 
 
「突然間，我好怪阿媽點解唔生得我好啲，識數學真係好呀......」我說。
 
 
「你唔係心有所屬架啦咩？」阿程問。
 
 
「我咪話教小藍數學囉，你諗咩啫。」我說。
 
 
「咪傾哩啲先啦，到底我應該點做呀！」阿明緊張地問。
 
 
「咩點做，你交換咗未先？」龍威問。
 
 
「交換咗。」
 
 
「咪有咩好講？」
 
 
「重點係佢約我出去呀！」阿明說。
 
 
「其實個女仔嘅性格好唔好？」阿程問。
 
 
「好呀，好正面陽光，好熱情，同埋好識逗人笑。」阿明說。
 
 
「咁你執到啦。」
 
 
好性格的女生不是隨處都有，還要那麼主動。
 
 
「你地傾咗啲咩？」
 
 
阿明將他們的對話展示給我們看。
 
 
看畢後，我們都一致覺得：「阿明，你講野真係好悶。」
 
 
「點解佢仲會肯同你講野？」
 
 
「佢覺得你幽默哩下先幽默。」
 
 
他們最後的對話是：
 
 
自修女：你中唔中意睇戲？
 
 
明：都幾架。
 
 
自修女：咁啱嘅！我都中意。
 
 
明：哈哈，有緣呀。
 
 
自修女：你講野幽默咗！
 
 
明；係咩？
 
 
自修女：......我聽日放學得閒呀。
 
 
明：咁啱嘅，我都係。
 
 
自修女：咁你會唔會想去睇戲？
 
 
這個年代竟然有女生主動得如此地步。
 
 
「我覺得你咁有邏輯，依啲咁嘅垃圾對話點解會有咁嘅結果？？？？」龍威不解地問。
 
 
「阿明你執到啦。」我再一次強調。
 
 
「點算呀，我應該點做？」
 
 
「咪赴約囉，可以點？」
 
 
「但我一離開自修室就諗唔到話題.....」
 
 
阿明，你之前想的話題也不太好.....
 
 
「放心，我地幫你。」阿程說。
 
 
「友誼永在心之拯救阿明大作戰，展開！」
 
 
 
 
鳥在城市尋尋覓覓。