✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 補習社篇 #7

 #7
 
我下意識後退兩步︰
「點……點解你喺度？」
Michelle目光掃過我，輕鄙地牽起嘴角︰
「得你可以嚟補習？」
「但你上次明明……」
 
她無視掉我，向我身後的阿堅點頭，笑得優雅大方︰
「阿堅，好多謝你幫手。」


阿堅紅著臉連連擺手︰
「都係舉手之勞啫，我留返張單又冇咩用……」
 
.
 
我聽得不明所以，正好這時Abby走回來，我便叫她陪我去買飲料把她拉到附近的超級市場。
「喂喂，發生咩事？佢又話唔會補習嘅！你做乜唔通知我先？」
 
Abby聳聳肩︰
「我都係今日先知咋……原來而家舊生介紹新生有半價囉～所以阿堅就畀咗個優惠阿Mi……」


「個死仔，講都唔講聲！」
「咁阿Mi都係今日臨放學先決定嘅～只係我估唔到，原來佢兩個私底下已經有咁多接觸……」
 
……………………………………………………………………………………
.
.《自修室》小說2017年12月登錄各大書店
. 新增特別篇及修改內容
.
……………………………………………………………………………………




我正不知怎樣安慰Abby，她反而輕拍我的肩︰
「Okay我冇嘢喎，慣架啦～去Christmas Ball又好聯校活動又好，班男仔都係嗡住阿Mi架啦……就算當年佢陪我去見網友，我個網友都係寧願望佢唔望我架啦，哈～」
「……喂，我真係唔覺得你冇嘢囉。」
她攤攤手苦笑︰
「咁我又可以點？」
 
喜歡誰不喜歡誰這種事，也許我們都無法控制。
但是，這是否代表我們什麼都不可以做？
看到Abby，我不知怎地想起了從前那個自己，心裡某個柔軟部份蠢蠢欲動︰
「唔……不如，我試下幫你喇。」
 
「幫？喂喂喂，你唔係諗住同阿堅講我……我咩咩咩佢呀？咪、咪呀你！瘀死人咩……」
「梗唔係啦，我又唔係傻嘅！我熟佢呀嘛，我幫你製造機會咪得囉！」
Abby眼珠子一轉︰


「真、真係得？」
 
「得！一定得……呀，我意思係，一定製造到機會。至於把唔把握到，要睇你自己。」
她咬一咬唇，隨即想通了似地笑逐顏開︰
「咁……好呀！咁就靠晒你啦～阿哥！」
「吓？」
 
Abby雙手拉著我的手臂，笑得精靈︰
「我下個月先生日呀，我記得你早過我架嘛～」
「哦……我係6月，但係……」
「咁就啱啦！叫你阿哥，咁阿堅先唔會誤會我哋架嘛！我哋今晚一於喺MSN傾個大計！」
她鬼馬地眨眨眼，轉身往回走的腳步似乎輕盈了不少。
 
.
 


當Abby在補習社課室說她認了我為契哥之後，阿堅哇了一聲，而Michelle則一臉不解︰
「阿Bi，你中意上契呢啲嘅咩？」
「哈，係呀～我獨生女嘛，一直都想要個阿哥架啦～咁啱阿翔又想要個妹喎～阿哥呵？」
「呃……哈哈，係呀……」
Michelle來回看著我們，飄過一個意有所指的眼神。
 
Michelle一有了表情，就再藏不住想法。
她肯定是覺得我跟Abby之間有什麼曖昧吧？大概還在想怎麼Abby眼光這麼差勁？
但真遺憾，完全不是你想的那樣。我們的計劃遠比這厲害多了。
 
我先幫Abby去接近阿堅，事成之後，再讓Abby幫我在學校裡打聽華小姐的消息。
互為互利，彼此得益。
 
雖然想得這麼理想，但在補習社過了半天後，我發現事情遠比想像的來得辛苦。
首先，阿堅的注意力完全在Michelle身上，連Abby認我做契哥這麼大件事都沒反應。


我把Abby塞在他們兩個中間，結果阿堅拿出英文寫作天書跟Michelle研究，Abby幾次想插話卻被無視，最後只能灰溜溜地讓座。
 
其次，Michelle看來並不討厭阿堅，兩人一直有講有笑。
當然阿堅跟女生相處技術已比中五時長進多了，但即使阿堅說了蠢話，Michelle始終和顏悅色。
說到興起，她臉上還會掛上溫柔的微笑。
 
我不禁想起了我們第一次碰面那天，在Michelle認出我之前，她曾經對著阿堅面紅。
說不定，其實當時她對阿堅挺有好感。
如果排除掉拖低分數的我，她可能早就跟阿堅成為朋友吧？
 
.
 
當晚事後檢討，我便問Abby覺得Michelle對阿堅有什麼想法？
Abby直言看不出來。因為這幾年雖然有好些友校男生追Michelle，她卻始終像雪人一樣不為所動。
Michelle跟她說，考入大學改變命運才是最重要的事，誰有空戀愛啊？


究竟她喜歡什麼類型？對哪種男生沒有抵抗力？連好朋友Abby都說不清。
 
我再問，萬一Michelle真的喜歡阿堅的話，要放棄嗎？
Abby卻顯得好奇︰
「Σ( ° △ °)唔明，點解要放棄？」
「咁……費事同好朋友爭嘛……」
「(´～`)我又覺得冇咩爭唔爭喎，我又唔係搶人男朋友╮(╯_╰)╭講到尾都係睇下個男仔中意邊個嘅啫。萬一其實阿堅中意我又怕醜仔，咁我無啦啦放棄咪好傻豬？」
 
Abby的話如當頭棒喝，狠狠敲醒了我腦中的回憶。
在腦海深處，華小姐以帶苦的眼神深深地凝望著我︰
『……點解你成日都要提住阿堅？』
 
我的心一痛。原來是這樣嗎？
如果當時我不自以為是，如果我讓你自己去選擇，那現在的我們，是否就會身處另一個美好的平行世界？
我閉上眼，對回憶中的她默唸︰對不起……
 
.
 
跟Abby熟絡起來之後，我覺得自己對女生的認識簡直突飛猛進。
說到底，以前跟我比較熟的女生就只有Suki和華小姐，一個是我的初戀女友，而另一個……我也不知道她算是我的誰，我只知道，我願意為再見她而做任何事。
她們都是那麼特別，而Abby反而是我第一個以朋友身份認識的女孩，加上個性直率，從不介意展現自己的內心世界，跟我坦誠討論。
 
「咁……你即係覺得，點先可以令佢中意我？(´･_･`)」
「中唔中意嘅嘢好難控制嘅，不如令佢注意你多啲先啦。注意到你，見多啲你嘅優點，要日久生情都容易啲呀」
「(｡•ㅅ•｡) 但係，由第一次見面開始，佢就只係望住阿Mi喎」
 
「呀，不如咁啦，試下製造多啲獨處機會？」
「咁～如果我私底下約阿堅，你覺得佢會唔會出嚟？(≖ᴗ≖๑)」
「可能有啲難喎……如果有個誘因會好啲，即係例如話叫佢介紹參考書嗰啲？」
「ヾ(●゜▽゜●)♡哈～原來係咁！我知點做啦～」
 
.
 
當Abby這樣說的時候，我猜她只想叫阿堅陪買書。
沒想到第二天在補習班，她竟當著我們三人的面拿出四張黑色門票︰
「大家聽我講～我爹地個朋友呢，畀咗幾張哈囉喂嘅飛我呀～我哋不如一齊去玩返晚囉～？」
 
 
.
by又曦
like Page追看最新章節︰http://bit.ly/2jHymHF