✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: #18
《時光機》現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
．作者FB︰http://bit.ly/2jHymHF
．作者IG︰http://bit.ly/2rxGoFA
///////////
聽見阿堅的話，我拿著手掣的手震個不停︰
「你、你講乜呀？你想食包補血咪食囉，點解要讓畀我。」
阿堅眼神堅定地看著電視，側臉和眼中佈滿藍光︰
「……你知我講咩架。」
他說完這句話之後，我們陷入長久的沉默。
電視遊戲裡的音樂和喝斥聲不斷傳出，阿堅繼續獨力奮戰，而我愛用的呂布呆站著被NPC當稻草人砍，血快要紅掉了我還是無心戀戰。
我腦中閃過很多念頭，如果繼續裝傻，阿堅可能會覺得我低估了他的智商；但如果和盤托出，我們的友情可能不保。思前想後，我決定賭一鋪︰
「係咪Suki同你亂講咗啲乜？唔係呀，件事根本唔係咁！因為我請佢食檸檬，佢條氣唔順，所以先千方百計嚟搞事，想教訓我！你唔好聽佢亂噏啦！」
「Suki都無搵過我。」
「咁……係咪頭先你送華小姐走嗰時，佢講咗啲乜？」
阿堅轉過頭來，認真地望著我︰
「唔關其他人事。嗰日我喺地鐵上咩都見到晒。」
「吓……地鐵？」
「果日我朝早去補習社補堂，見到你同她一齊搭地鐵。你哋好似啱啱去完街咁，傾得好開心。」
我的心涼了一截。
他一直都沒張聲，我還以為他在地鐵上什麼都沒看見，我們能夠順利過關呢！但原來他根本都看見了啊！我心中慘叫一聲，手忙腳亂地丟低手掣︰
「件事唔係咁架！嗰日……嗰日佢話想去搵下啲試場先，叫我陪佢去。我做導盲犬架咋！我……」
「我開頭都以為自己諗多咗。但係唱卡拉OK嗰日撞到Suki，我先知你居然拒絕Suki。你呢幾年從來都係Suki話咩你就做咩，今日你咁……大家都係男人，我明咩事喎。」
「唔好亂講啦！乜你明咩事呀？你明乜啫？我係因為應承你哋在先，Suki約我在後！你當我係嗰啲女神講一句就丟低朋友嘅狗公呀？我只係想信守承諾啫！」
阿堅苦笑︰
「阿翔，一場朋友，我都唔想見到你咁辛苦。其實尋日入戲院之前，我見到晒……我……我望住你拖實佢隻手傾偈，所以我先特登唔行埋去住……唉……我明嘅，其實一開始喺自修室就係你去識佢在先，佢同你又啱傾啲多啲嘢講，我知自己有幾多斤兩，你哋咁樣都好正常，我會試下去祝福你哋……」
「祝你_ _呀！！」
我站起身，大聲叫了出來，聲音之大把阿堅嚇得呆呆地仰望著我。
我拿開他的手掣，搭著他的肩膊說︰
「你聽我講！對我嚟講，無嘢係緊要得過兄弟架！係，發生咗好多事，可能令你有少少誤會，我而家解釋你都未必信……但係，我點解要同你爭啫？一街都係女，華小姐又唔係咩國色天香，你都知我係中意Suki嗰類架，我使唔使為咗華小姐搞到冇咗你呢個兄弟呀？唔值得囉好冇？」
阿堅被我的坦白嚇窒，我乘著這個瞬間連忙把三隻手指高舉上天︰
「我對燈火發誓，我一世都唔會做對鄧柏堅唔住嘅事！我知你中意華子昕，我發誓，我絕對唔會同你爭女！如果我有違此誓，我今生今世都溝唔到女！永永遠遠都要做人隻兵！」
看我發此毒誓，阿堅連忙站起來︰
「咁你又唔使去到咁盡嘅……我，我又唔係唔信你……」
「我知，我明。但係溝緊女嘅時候就係會諗好多無謂嘢，所以我好明白你點解會咁……我都唔想令你再有誤會。咁啦，以後我唔會再見華小姐。唔會同你一齊見佢，更加唔會私下見佢。」
「吓？咁……咁又唔使嘅……」
「要！一定要！如果唔係你咁多嘢諗，咁多顧慮，點溝到女呀？」
「但係……如果我單獨約佢，佢會出嚟咩？佢講過話最中意三個人一齊玩架喎……」
「你咪呃佢話我都會去，最後我放飛機囉！佢試過同你兩個人出街又開心嘅，就唔會再拒絕架喇！」
「咁……咁簡單？唔係哩，不如你都係……」
看阿堅軟弱下來，我唯有斬釘截鐵︰
「NO！我可以背後做你軍師，但唔可以再出面幫你喇！講真，第日你溝到返嚟，都係你兩個自己相處架啦，唔通我一路做你奶媽咩？痴線！」
「咁……即係我有問題可以搵你幫手？」
「係！」
「但你唔會再見華同學？」
「絕對唔會！」
阿堅想了一陣，才緩緩點頭︰
「咁你講得都有道理嘅，我唔應該一直都咁依賴你……阿翔，多謝你為我做咗咁多嘢。」
「咪傻喇！兄弟嚟架嘛！」
我邊說邊按住心口，壓抑胸中的刺痛。
我也不知道這股痛楚從哪裡來，我只知道自己的努力有了回報，那一晚我跟阿堅打機打了個通宵，受過考驗之後的友情更加堅固。
.
跟阿堅夜談，標誌著三人行時光的終結和破滅。
我從錢包裡拿出上次拍的貼紙相，仔細端詳著，懷念的感覺油然而生。
明明是沒幾天以前的事，感覺卻仿如隔世啊……
相中的華小姐雙手挽著我們手臂，站在中間笑得燦爛；阿堅很在意這種身體接觸，一臉靦腆地挪開半邊身；而我則笑得沒心沒肺，還調皮地伸出舌頭，完全不知道自己正受到阿堅的懷疑。
而這一切都已經完了。
我跟阿堅已經做了十幾年同學，之後也還會繼續友好下去。我根本沒有選擇。
我隔著貼紙相的膠面，輕輕撫抹著華小姐的臉，對她說了聲再見。
然後，我把抽屜裡的文具全部挖出來，把照片放在最深處，再把文具統統壓在上面，再把抽屜緊緊關上，把一切都埋葬在裡面。
再見了，華小姐。
雖然發生了很多事，有很多無法忘懷的記憶，但是……我們大概不會再見面了。
.
我答應了阿堅還會繼續做他背後的軍師，所以，我並沒有退出我們三人的MSN group。
一無所知的華小姐仍處於考完試亢奮期，不斷提議著我們三個人應該去哪裡玩。
我背後跟阿堅商量好，然後半誘導半說服讓她答應一起去主題公園。
然後到了當日，我就一如當初計劃那樣——放飛機。
想著他們兩人去主題公園玩，我有點不自在。
腦中不斷浮現畫面，想像他們坐摩天輪時牽手、玩咖啡杯時擁抱、然後就在海洋館的幽暗燈光中，兩張臉越貼越近……
我摑了自己一巴，阻止自己繼續想下去。
他們發展成怎樣，又關我什麼事？
我想我是太無聊了，必須找點事做，於是我便找了Suki，自告奮勇陪她去逛街。
正巧這天又有人約她做私影模特，我便跟著一起去做她的跟班被呼呼喝喝。
忙碌是件好事，讓我差不多把阿堅和華小姐都忘掉。
沒想到回家一打開MSN，asd34567又狂震我的螢光幕，派來狗熊來怒審我︰
「你今天為什麼放飛機？」
/////
《時光機》現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
*【時光機】由作者自資出版，外邊書店沒得買
你購書支持，將令我不必再苦練光合作用維生~衷心感謝
．作者FB︰http://bit.ly/2jHymHF
．作者IG︰http://bit.ly/2rxGoFA