【《講鬼台》第1001回】: 3.7

自從悲劇發生了之後，內疚和自責令波哥變得極為頹喪，臉上的英氣已然不復當日，他不單再沒有參與任何法事，就連正職的裝修生意也幾近擱置。
 
半年後的某個早上。
 
獨自一人呆在家中的波哥收到了子蕾的電話。「可唔可以落黎超市幫我拎啲野翻上去呀，我抱住光仔拎唔到咁多野啊！」
 
「好，我而家落黎。」唯獨面對愛妻的時候，他的臉上才添回一點光采。
 
來到超級市場的正門，揹著光仔的子蕾提著幾個大膠袋，狀甚狼狽。波哥見狀立即上前接力，將光仔揹在自己身上，並接過了所有袋：「辛苦你喇，等我黎，你抖吓先！」
 




「嗯…」子蕾幸福地微笑。
 
一家三口在馬路邊等待著綠燈的來臨。
 
突然，子蕾蹲了在地上：「啊！個頭好痛…」她雙手抱頭，一邊狂抓著自己的頭髮，一邊在喊痛。
 
波哥感到愕然：「子蕾！？你做咩啊？」
 
子蕾仰頭望著波哥，其神情有點呆濟，其眼神更是十分奇異…
 




根據他的經驗，那是撞了邪的人才會有的神情…
 
一輛私家車高速駛過的時候，子蕾突然拔足衝了出去…
 
就在這個時候，子蕾的背後伸出了一雙怪手，一隻似曾相識的，身上發綠光的怪物從她的身上爬了出來...
 
怪物回眸對著波哥奸笑和揮手…
 
事情實在來得太突然了，波哥來不及將自己的愛妻拉回來：「翻黎啊子蕾！」
 




「砵！！！！」
 
……
 
「砰！！！！」
 
……
 
司機趕不及將車剎停，子蕾整個人被捲進了車底…
 
途人紛紛發出了驚叫聲…
 
馬路上，留下了兩條長長的血痕…
 
親眼目睹整個過程的波哥，手中仍然提著膠袋，呆呆地站了在馬路邊…




 
被揹於波哥身後的光仔突然哭了起來，這是子蕾最後一次聽到自己兒子的哭聲…
 
......
 
醫院裡，剛從手術室走出來的醫生宣佈搶救失敗，子蕾從此與自己的丈夫和愛兒天人相隔。
 
「發生咩事啊！？點解會咁架？」眼見自己的嫂子被白布蓋上，阿財顯得十分激動。
 
「有人害我地…」坐在醫院長椅上，滿臉淚痕的波哥沮喪回應。
 
阿財不明所以：「吓！？」
 
「子蕾剛才好似發左癲咁衝出馬路，佢臨俾車撞之前，我見到個啲野，佢仲對住我奸笑…」
 




「你係話…見到鬼！？」
 
神情哀傷的波哥點了點頭：「係鬼仔…有人喺子蕾身上施左邪術…」
 
「但係…咩人會咁做！？阿嫂份人咁好，點會得罪人！？」
 
「對方應該係衝著我而黎，我學道咁多年，因為本領高，搞我唔到，所以就搞我屋企…一定係咁！」波哥激動得往牆上轟了一拳，被擦傷了的皮膚立即滲出血來。
 
身在波哥懷中的光耀像是受驚了一樣，嗚哇嗚哇的哭了起來。
 
「光耀唔可以再跟住我，如果唔係…連佢都好大機會會出事…子蕾已經…我唔可以再無埋呢個仔…」他一邊說，眼淚一邊在流。
 
「阿財！」波哥像是突然想通了一些事情：「幫我照顧住光耀先！」說罷，他將光仔交給了阿財。
 
雙手抱著光耀的阿財顯得有點不知所措：「咁你呢！？」




 
「我暫時避一避風頭先…然後我會用自己既方法將呢個施邪術既人搵出黎...呢個仇我一定要報！」
 
「咁樣咪好危險！？如果連你都出埋事咁點算？」
 
「放心，我有咁多年既道行修為，唔會咁易俾人搞到…」波哥輕撫著光仔的臉：「但係…為安全起見，由今日開始光耀唔可以再跟我，相信對方點都唔會估得到我會將自己個仔交左俾人地…」
 
波哥從褲袋中拿出了一些東西：「呢條係我屋企鎖匙，你上我度拎啲BB衫同日用品走，光耀以後就暫住喺你度先…」
 
「咁你諗住去邊？」
 
「我都未知…總之我唔可以再留喺你地身邊，否則會連累埋你地…」
 
「你打算幾時接翻光仔….同埋…阿嫂既身後事…」
 




「當搞掂左呢件事之後，我就會翻黎搵你。子蕾既身後事…我諗要麻煩你喇，過兩日我會滙啲錢去你戶口，當做係光耀既生活費又好，咩都好…總之，你要好好咁幫我睇住佢...」
 
「放心啦波哥，由細到大你都咁睇我，我一定會幫你好好咁睇住光耀既。」
 
「阿財，麻煩到你…真係唔好意思…」波哥幾乎要跪下來。
 
阿財將波哥扶了起來：「傻啦波哥，一世人兩兄弟有咩話好唔好意思架！？但係…你記得要翻黎接翻光耀…」
 
「我一定會…」
 
之後，波哥走到病床邊望了愛妻最後一眼，再往愛兒的額上親吻了一下後，便獨自一人踏上了覓出殺妻兇手的旅途。
 
想不到這一趟辭別後，下一次重逢之時便是十多年後…