【《講鬼台》第1001回】: 序章
「各位聽眾晚安！歡迎大家收聽《講鬼台》，我係你地既節目主持人沈詩詩，喺我身旁依舊有一眉道人-羅師傅。」
「大家好。」
「唔經唔覺，今晚既《講鬼台》已經黎到第一千零一集，亦都係最尾既一集，諗諗下原來呢個節目已經陪伴左大家五年幾…」
「係呀…去到呢一刻真係有啲唔捨得。」
「既然係最後一集，我希望今晚可以特別啲…過往一千集都係由聽眾打上黎分享佢地既靈異故事，或者羅師傅為大家解答有關靈異方面既問題，但係今晚將會有少少改動…收音機旁邊既你今晚有福喇，因為今晚羅師傅會同我地分享佢自己既故事，唔知人稱鬼見愁既佢會同我地講一個點樣樣既故事呢，會唔會係嚇破膽嗰種呢？」
「哈哈...我見之前咁多晚既聽眾都講左好多好恐怖既鬼故，今晚我諗住講一個感覺比較輕鬆既故事，但係背景都係同靈異有關，而呢個故事其實係我人生中一個幾重要既經歷。」
「洗耳恭聽！」
「但係我講故事一向都唔叻，加上呢個親身經歷其實已經係發生喺二十年前，記憶都開始變得有啲模糊，但我會盡量講得好啲，希望唔會悶親大家…」
「嘩…二十年前！？咁你嗰時咪仲係一名學生哥？」
「哈哈…係呀。」
「原來羅師傅年紀輕輕就已經接觸靈異世界，難怪你當年十八歲咁後生就已經得到鬼見愁既稱號…」
「其實呢種事真係好講緣份，我相信命中註定，有人一出世就有陰陽眼，有人因為後天因素先會間接開啟法眼…」
「咁你又係屬於邊種呢？」
「我係屬於後者。」
「到底你係點樣開到陰陽眼既呢？」
「記得嗰年，我啱啱升上中四...一切，都係由一個夢開始…」