中左六合彩頭獎四千八百萬，依家唔知點算?: 第四章40
六月二十八日，星期三，天晴。
時間過得好快呀，因為之前果幾個星期都真係忙到飛起。
所以冇乜時間同大家交代吓，真係有啲唔好意思添。
乜野事咁忙？咪就係做歌星果壇野囉。自從同小苑、浠琳去完迪士尼之後，
我就開始左我嘅Artists之路啦。每日嘅schedules都排得密密麻麻，
基本上依幾個星期我都忙到連思敏、阿瑜仲有小苑咁冇見過咁濟，
就連我阿媽同阿妹都係得凌晨嘅時候先會見到我，每日晨咁早就要出門口，
一時有要上唱歌堂、一時又要去學吓跳舞咁，有時仲要周圍去同各大媒體打招呼，
忙到我自己都唔知自己做緊啲咩咁啦。不過辛苦完一輪，今日終於可以放返個大假啦，
同經理人堅持左幾耐佢先肯比我放依個大假咋。
放假去邊？唔記得左啦咩，一早約好哂嘅日本之旅呀，如果我唔去阿妹實發癲都似。
今朝一早，我都仲要返公司搞埋D手尾，搞到依家差唔多夠鐘上機，
我先匆匆忙忙咁趕到去機場匯合佢哋。吖～諗起對上一次去旅行，
都已經好似係讀緊中二嘅時候同啲阿姨一齊去馬來西亞啦，讀完書之後，
同詠恩一齊嗰陣又冇諗過要去旅行喎，依家諗返起真係嘥哂！
機場依度真係又大又靚，周圍都係拉住一個二個喼嘅人，每個人都滿面笑容，
睇得出佢地果種喜悅，而我就冇咩感覺啦，不過起馬唔洗返工可以透吓，點都係開心嘅。
「咦～喂，明明話喺國泰櫃位等架，點解...望極都唔見佢地嘅？」
我一邊自言自語一邊東張西望，但係就係望唔到佢地幾個嘅蹤影。
「...聰哥！」忽然有人從後攬住左我，一聽把聲就知係思敏啦。
「...早...早晨呀，思敏！」我口窒窒講。
「...好掛住你呀...聰哥，成兩個星期冇見過你啦。」思敏繼續攬住我講。
「...er...哈哈，係呢...阿妹佢地呢？」我轉移話題。
「...佢地入左閘啦，你啲行李我地都幫你寄左架啦，我地快啲入去先啦。」思敏回應，
於是我就跟住思敏急急腳咁入閘啦。
有思敏帶住就緊係快架啦，過完安檢之後，
思敏帶住我左穿右插咁唔洗三分鐘，
就已經去到一個登機口前面啦。
「...終於都到啦咩！」阿妹一見到我就揶揄我囉。
「...公司多野做吖嘛！」我回應。
「...算你啦，如果你遲到上唔到機呢，我就嬲爆你！」阿妹繼續教訓，
好彩都只係揶揄幾句姐，企喺登機口吹左一陣水之後，時間差唔多啦，
職員亦都準備就緒，隨時開門放我地入去，好多人已經急不及待咁排哂喺門口前面，
好似驚死上唔到機咁，我想講其實一早畫好哂位架囉。
「...行得啦！」思敏行左埋櫃位同啲職員傾左陣之後，就叫我地埋去啦。
原來佢唔知用左啲咩方法，將我地啲機位upgrade哂上去坐商務位囉，
所以依家我地可以跟住頭等尾優先上機。頭先驚死上唔切而且仲排緊隊果堆人，
而家用羨慕又妒忌嘅眼神望住我地果種優越感，真係不得之了！！！
商務位真係商務位，真係完全兩回事，每個位都獨立自主一個個私人空間咁，
對腳仲可以伸到直一直咁，至於飛機餐呢，其實好似分別不大咁...，
不過好嘅一餐唔好嘅又一餐，有得食就得啦。
「...ようこそ日本へ！」廣播中，食完飯舒舒服服睇吓戲聽下歌咁，三個零四個鐘嘅機程，
轉下眼就到，隱約聽到佢好似話咩到左唔知咩關西機場咁...我估係掛！
我地一個跟一個排隊落機，循例過安檢、海關，同埋攞行李，
搞完一大輪之後，我哋四個人就拖住四個喼步出機場啦。
大阪呢邊同樣係風和日麗，我哋一出機場，就跟住思敏行左去搭鐵路啦，
好似係咩野（南海電鐵），因為沿途掛住聽思敏同阿妹兩個講野，
所以唔知坐左幾耐，亦都唔記得轉左幾多次車，我地就順利到達（日本橋駅）啦。
依頭都真係幾旺吓，周圍都係人...仲要好多都係講廣東話架囉，我地一人拖住一個喼，
思敏同阿妹兩個帶住我地穿過左啲好似商店街嘅地方，即係左右兩邊都係舖路嘅步行街，
行左一陣行到一條橋口嘅位置...
「...喂...阿哥，幫我地影相！！！」阿妹忽然停低，
好興奮咁指住建築物外牆嘅一個公仔，然後叫我幫佢影相。
咦...依個公仔好熟口面，一個着住體操衫嘅男人公仔，
好似係果個咩固力果公仔都唔知有啲咩咁好影，阿妹佢地兩個影完之後，
仲格硬捉埋我同思敏影添。搞完一大輪，終於都肯繼續行啦。
我哋再經過一間門口出面有一隻好巨型嘅蟹嘅鋪頭，又係企左好多人喺度影相，
似係一間好出名食蟹嘅舖頭，之後行行吓發覺有啲好奇怪嘅鋪頭喎，
每間鋪出面都有啲布幕由門頂拉落離遮住個門口，隱約見到鋪頭入邊貼左好多海報同埋相喺度，
仲有個西裝男喺裏面行行企企咁，到底依啲舖頭喺賣咩架呢？ 好奇心驅使下，
我一步一步咁行左埋去，正當我差唔多睇到佢門口嗰啲相嘅時候，忽然....
「...いらっしゃいませ！！！」一個西裝男忽然喺我身邊出現，
搭住我膊頭好熱情咁拉咗我入去鋪頭入邊。
本來好好奇嘅我，行到一半先知道情況不妙，因為我開始見到，
原來牆上面貼滿嗰啲都係日本妹嘅相，睇嚟呢間都唔方係好野離，唔通係....？
「...何をしたいですか？」我都未離得設反應，好熱情嗰個男人已經一邊搭住我膊頭，
一邊扯左我入鋪頭入面，而另外本來喺鋪頭入邊嘅男人同樣熱情，
而且非常有禮貌咁拎住本相簿問我野，不過我當然唔知佢嗡乜春啦。
係依一刻我意識到，我再唔走嘅話，真係會幾麻煩。於是我即時掉頭，
頭也不回咁行返出門口，本來仲以為佢哋會攔住我，但係…佢哋嘅反應，
竟然係好恭敬咁鞠住躬咁送我出門口，估唔到日本人嘅禮貌程度真係咁誇張，
真係文明不如見面。
一行到出門口，佢哋三條友已經離遠咁啤行我，我即刻好尷尬咁行返埋佢地果邊。
「...唔好意思...哈哈！！！」我笑笑口講。
「...大佬...你知唔知你入咗邊呀！！！」阿妹有少少責怪嘅語氣。
「...er...唔知喎！」我拗一拗頭講，雖然知道唔方係好野，
但係講真…其實嗰間鋪頭係做咩嘢呢？我都真係有啲興趣想知道吓！
「...果間野叫做（無料案內所），係搵女仔嘅介紹所離架！！！」阿妹笑淫淫咁講，
搞到我都真係唔知講咩好啦，尷尬到爆...好彩之後思敏推開左個話題咋，
不過估唔到依啲咁嘅舖頭竟然可以大街大巷攞正牌咁開，日本真係閒名不如見面。
原來酒店同果條勁多神秘舖頭嘅街只係一街之隔，我地轉左個彎，入左一條小巷之後，
就到達思敏幫我地book嘅果間酒店，咪住先...咁出街咪吓吓都要經過果度囉，
咁如果一家大細離嘅咪好大鑊？啲大人淨係要諗點解釋比啲細路聽果啲係乜野舖頭都真係有排煩，
不過講返正題先，依間酒店比我想像中細，裝修都尚算新淨，早知就叫思敏book豪小小啦。
我地check in完之後呢，就拉住幾個喼上房啦。間房同下面大堂一樣係偏細，
不過都係果句啦，好嘅又一晚唔好嘅又要晚，不過不失就算數啦。
放低左行李之後，本來仲想攤一陣嘅，但係阿妹已經急不及待啦，
唔夠十分鐘就走左過離我間房撳鐘。無辦法之下，我唯有就範。
我地離開酒店經過果條街，再一次返到去地下鐵，今日嘅行程呢...都好似相當緊密吓，
一路行一路聽佢兩個女仔講，好似話首先去附近嘅黑門市場食野，
然後再喺附近嘅商店街shopping喎，都好嘅...喺附近行吓，好過舟車勞頓。
結果…我地行到夜晚12點幾，佢哋兩個女仔都依然係唔捨得返酒店，
我開始知道，原來係附近行街都可以咁舟車勞頓，我同黑仔兩個由下午精力充沛，
慢慢到傍晚對腳開始酸，到而家凌晨攰到想死咁滯，無論同佢哋兩個女仔講幾多次，
佢哋都會話睇埋呢間，睇埋呢間，但每次睇完一間之後又會再一間，
就好似跌咗落一個無間地獄咁，永遠都唔知幾時先係最後一間，終於…去到凌晨一點，
佢兩個先捨得抽住一袋二袋嘅戰利品返酒店。
本來以為返到酒店可以抖吓、輕鬆吓，但係原來唔係囉。雖然名義上我同思敏依然係情侶，
但係其實我哋都好耐無一齊訓過，唔好話訓，其實就連kiss都好耐冇試過，
基本上而家我地只係會拖吓手同翹吓手咁，好多時思敏想有進一步行動，
我都會搵機會耍走佢，但係而家孤男寡女共處一室，睇嚟都真係幾難耍得開佢。
返到房無幾耐，我嚫思敏執拾緊佢啲戰利品嘅時候，
我即刻急急腳咁衝左入去浴室裏面諗住沖涼，
開頭都相安無事嘅，但係沖沖吓...危機就開始離啦。
「...嚓～嚓～」就喺我浸浸吓浴果陣，思敏忽然扭動浴室嘅門鎖。
「......！！」我冇出聲！
「...聰哥！」幾秒後思敏叫左入離。
「...做...做咩呀？」我口窒窒咁問。
「...我...好急呀，你開門先啦。」思敏講，無辦法啦，
佢講到急我無可能唔放佢入離啦。
於是我上水行埋去開左門鎖之後，就即刻沖返入浴缸裏面啦。
思敏緊接行左入離，拉低左條褲，好自然咁坐左埋廁所度。
我自然反應張個頭擰向牆邊盡量回避，雖然望唔到，但係只係隔住塊玻璃，
而且聽到思敏小便嘅水聲，其實都真係好尷尬，但係思敏就好若無其事咁。
我繼續靜觀其變，但係等左十分鐘，思敏都依然坐左喺度玩手機，
我而家起身又唔係，繼續浸又有啲暈喎，點算好呀！！！
就喺我腦交戰緊嘅時候，思敏終於都拉廁紙準備起身啦，但係我諗我太天真啦，
以為佢會行返出去果陣，思敏竟然連上身衫都除埋落離，我下意識偷望左過去，
思敏嘅超強上圍再一次喺我眼前出現，喺咁嘅環境下，細佬開始有反應起離，
點搞呀....唔好玩我好喎，頂唔順架啦喎！