中左六合彩頭獎四千八百萬，依家唔知點算?: 24

我地一落街就直接落左停車場攞車，因為思敏話驚我試音會遲到喎，
所以話去到灣仔先食。去到灣仔...我將部車泊左喺停車場之後，
就同思敏去左謝斐道嘅（軒尼詩餐廳）食早餐。食到十一點半左右，
我就同思敏分道揚鑣啦。上次果位小姐約左我去佢地公司嘅studio而唔係辦公室，
而間studio就喺告士打道嘅商業大廈上面，我跟住佢比我嘅地址搵左幾分鐘左右就順利到達。

一上到去...門口已經企左兩個女仔喺度影相打咭，一肥一廋...睇睇吓...咦...喂，
咪歌唱比賽果日唱容祖兒同楊千樺果兩個！上次聽果位小姐講，
佢兩個應該係冠、亞軍離架喎，原來同我約埋同一日試音。
 




「...謝霆鋒！」唱楊千樺果個女仔對住我大叫！ 
 
「...er....hi！」我尷尬回應！
 
「...你好！」唱容祖兒攞冠軍嘅肥妹，亦都同我打招呼。講開又開，
我記得上次聽佢唱果陣，唔開眼淨聽把聲真係似到以為真嘅容祖兒唱緊囉，抵佢攞冠軍嘅。
 
我地互相介紹，合照完之後就撳鐘啦。
 
「...叮噹！」門鐘響起。




 
「...嚓...！」一個年輕女仔開門。
 
「...你地係咪上離（試音）架？」女仔問我地三個。
 
「...係呀！」我地一齊回應，之後女仔就開門放左我地入去啦。
 
一入到去個門口位好似屋企咁，有梳化、有電視又有枱櫈，
再望入去係一條長走廊，中間有幾間房。女仔安排我地喺梳化坐左一陣，
之後就有個男人喺其中一間房走左出離啦。




 
「...幾位你地好呀，等我自我介紹一下先，我叫steven今日負責你地嘅（試音）嘅。」
男人講緊果陣，我地幾個都開始緊張起離啦，由其是我...對腳震震地，希望唔好又胃痛啦。
 
「...你地唔洗咁緊張喎，放鬆啲...當平時同啲friend唱k得架啦。」
steven見我地咁緊張，所以同我地講。
 
講吓steven先，個樣望落三十幾歲，短髮、帶眼鏡斯斯文文、
白白淨淨咁，著住t恤顯得佢相當之瘦，好似比人打一拳都會即死咁款！
 
佢首先叫我地每人都介紹吓自己，肥妹叫做dodo，廿六歲做文員，
而瘦妹就叫做阿yan，廿四歲都係文員，唔知點解好似周街都係文員咁嘅，
唔怪得文員人工咁低啦，供過於求咁多。
 
等所有人介紹完，跟住steven仲比左份問卷我地三個填添，內容大約係問屋企有啲咩人呀、




平時有咩興趣呀、鍾意啲咩類型嘅曲風...等等，最後我係填左Rock & Roll嘅，
因為老豆係beyond迷，所以我由細到大都比佢洗緊腦，潜移默化下...我亦都對搖滾樂有多少興趣，
中學果陣因為鍾意謝霆鋒嘅唱，所以都學過一排結他，霆鋒當年個viva演唱會入面，
技驚四座嘅單線solo，我地而家都仍然津津樂道、回味無窮。
 
講返正題先，做完一輪問卷之後，steven就安排我地一個跟一個咁進入錄音室試音啦。
第一個入去嘅係肥妹dodo，其實佢唱功真係唔錯，唱到同天后祖兒一樣喎，點都值回票價啦。
dodo入左去...我同阿yan就坐左喺出面等...，等嘅時間相當慢長，我同阿yan傾計...盡量令自己冇咁緊張。
好唔容易...終於都等到肥dodo出返離啦，表情相當輕鬆，好似無事發生過咁，之後就到我入去啦！
 
Steven帶住我經過走廊入左其中一間房入面，一入到去...就有好多panel，
有個四眼男仔坐左喺panel前面，應該係operator，房入面再有一間房中房，
同出面隔住塊玻璃，好似電台果啲廣播室咁。steven帶我行左入果間房中房，
叫我坐低喺房中間嘅一張櫈度。坐低左之後面向住玻璃，亦即係房出面，
坐位前有一枝好專業嘅咪放左喺度，側邊仲放左個專業耳機，即係大大個吸住耳仔兩邊果啲呢，




steven講解左一啲簡單嘅操作同試音流程之後就行返出玻璃出面啦。
 
淨返我一個人坐左喺依間空房入面，望住玻璃出面嘅佢地，
搞到我好似要比人做實驗咁。依度非常之靜...直頭靜到連蚊飛過都聽得一清二楚。
 
「...好啦阿聰，而家你拎起你枱前面嘅耳機帶起左先！」
steven喺玻璃出面叫咪入離，於是我就隨即拎起，再帶上耳機。
 
「...好啦阿聰，仲聽唔聽到我講野呀？」seven繼續叫咪，
雖然隔住耳機，但係都勉強聽到佢比嘅指示。
 
「...聽到！」我比左個ok手勢steven!
 
「...好，首先你將個頭控埋去前面枝咪度講吓野試吓先！」steven一講完，我就跟住做啦。
 




「...testing，teating，一、二、三！」我對住枝咪講左一輪野之後，steven就叫停左我啦。
 
佢喺出面同個operator好似喺度setting緊啲野咁，之後出面門口，
無啦啦走左個男人入離，同steven咬哂耳仔咁。搞左幾分鐘之後，
音樂突然響起....係謝霆鋒首罪人嘅前奏，因為我地每人都會揀兩首歌離比佢試，
而我就揀左一首謝霆鋒嘅《罪人》同一首陳奕迅嘅《無條件》，
我諗依家應該係試唱《罪人》先。
 
「...阿聰...準備好未呀？」依個時候steven再一次叫咪入離，搞到我又開始緊張起離啦。
 
「...er...ok嘅！」我口窒回應。
 
「...好...離一個先啦，放鬆啲盡情去唱就得架啦！」steven講完音樂再一次響起，
講真話唔驚就假嘅，話放鬆就放鬆咩，不過比起上次喺都會商場要對住幾百人唱，
今次當然係輕鬆好多啦，希望可以發揮到應有水準啦。




 
https://youtu.be/xFztWAEGx-g
 
謝霆鋒 罪人
 
是妒忌　或寂寞令我失掉平衡
倘冰釋介蒂願以畢生去等
是誤會　或是實在我當初真的過份
我可傷過你　而記恨半生
 
* 還有一點　生動裂痕
還有一點　令人痛心
不肯姑息　不想相識
跟我碰到好像是迎面路人
極力逃避我眼神
 
你似罪　禁止我走得太近
怎可相識　多麼偏激
怎算待我平等　獨我是罪人
覓認同　漫長鬥爭
覓自由已得到許多教訓*
 
 
專業設備真係唔同啲，啲聲超入咪...個耳機勁清楚，
唱起上離可以更加掌握到節奏同入歌位，依首歌我比九十分自己。
 
「...感覺點呀聰，ok嗎？」steven問我。
 
「...ok呀！」我微笑回應，因為唱完一首之後，自信心真係大左唔小。
 
「...洗唔洗休息吓、飲啖水先？」steven微笑問我。
 
「...可以繼續呀！」我興奮回應。
 
「...ok咁我地繼續啦！」steven比左個good嘅手勢我，之後音樂再一次響起。
 
https://youtu.be/jzGaS5kWj0U
 
https://goo.gl/kXas9m

陳奕迅      無條件
 
你何以始終不說話 儘管講出不快吧
事與冀盼有落差 請不必驚怕
我仍然會冷靜聆聽
仍然緊守於身邊 與你進退也共鳴
 
時日會蔓延再蔓延 某些不可改變的改變
與一些不要發現的發現 就這麼放大了缺點
來讓我問誰可決定 那些東西叫作完美至善
我只懂得 愛你在每天
 
當潮流愛新鮮 當旁人愛標籤
幸得伴著你我 是窩心的自然
當閒言再尖酸 給他妒忌多點
因世上的至愛 是不計較條件 誰又可清楚看見
 
美難免總有些缺憾 若果不甘心去問
問到最尾叫內心 也長出裂痕
笑何妨與你又重溫
仍然我說我慶幸 你永遠勝過別人
 
期待美沒完愛沒完 放開不必打算的打算
作一些可以約定的約定 就抱緊以後每一天
其實你定然都發現 我有很多未達完美事情
我只懂得 再努力每天
 
當潮流愛新鮮 當旁人愛標籤
幸得伴著你我 是窩心的自然
當閒言再尖酸 給他妒忌多點
因世上的至愛 是不計較條件
誰又可清楚看見
 
 
好唔容易終於都唱完啦，始終唔係我最擅長嘅謝霆鋒係掙小小架啦，
不過整體離講，我都真係發揮得算係咁，我比自己八十五分。
 
唱完之後我放返低個耳機，坐左喺原位度等左一陣，
steven就揮手叫我行返出大房啦。