中左六合彩頭獎四千八百萬，依家唔知點算?: 13
「...不...不如...食碗糖水囉！」我問，唔知點解我會叫佢食糖水，
淨係知道可以拖得幾耐就拖幾耐，盡量令佢留耐啲，
爭取多啲單獨時間向佢表白。
阿瑜停左落離，呆左一呆諗左一諗，然後.....
「...都好喎，頭先食左咁多熱氣野！」阿瑜答得出奇地輕鬆，
而且面帶笑容，佢到底知唔知我嘅用意架？
「...好...咁...行啦。」阿瑜明唔明都好啦，女神肯去就唔理咁多啦，
雖然我都唔多熟將軍澳，但係阿瑜對將軍澳可以話係一無所知添。
所以到最後我帶左佢去新都城食（聰嫂），點解要去果度？
可能因為我想佢成為（聰嫂）啦，所以我揀左依度。
離到糖水舖阿瑜叫左個（腐竹雞蛋糖水），我就叫左個（心太軟），
食緊果陣阿瑜又表現得出奇地自在，令到我都放鬆左唔小。
既然個頭開得唔錯...一於打蛇隨棍上...食完糖水之後，繼續搵方法留住佢。
「...哈哈...不如去隔離公園行一陣囉！」我竟然會提出一個咁瘋狂嘅要求，
講真依家都成十一點半，要個女仔夜媽媽同你兩個人去行公園，
我諗多數都會比佢拒絕架啦。
「...是但啦。」吓...我冇聽錯吖嘛？佢竟然會答是但？我唔係發緊夢吖嘛？
睇阿瑜嘅表情仲要相當受樂咁，機會又大左啦我...yeah。
難得阿瑜趷頭我仲唔即時埋單走人咩，我帶住阿瑜沿住商場外圍一直行，
因為已經差唔多十二點，所以周圍冇乜途人。我同阿瑜並肩而行，
四周漆黑一片，再配合微弱嘅路燈，加上夜空中嘅星星，天時、地利、人和，
所有野都好似衝著我而來咁....，喺依一刻我雄心壯志。
進入公園範圍之後，終於...我鼓起勇氣伸出我隻右手....拖住喺我右邊嘅阿瑜隻左手，
剎那間...身體的觸碰...大件事。我嘅心跳...幾何級數咁上升，手心亦都開始冒汗，
但係阿瑜佢...竟然完全冇想縮開手嘅跡象，而且仲好配合咁同我拖住。
好奇妙，我感覺到阿瑜心情同樣緊張、亦都好興奮。我地拖住離行...行左幾分鐘，
依幾分鐘嘅時間，勝過我廿幾年嘅歲月，終於我地行到去一個亭度，
我同阿瑜一齊坐低左。
坐低後...我依然係未捨得放開拖住阿瑜嘅果隻手，我緊緊咁拖住佢，忍唔住望向阿瑜。
阿瑜而家嘅眼神好忐忑，雙眼望住我有啲不知所措咁，眼神深深咁吸引住我，
就好似月球比地球嘅引力牽引住走咁，我塊臉不由自主咁比阿瑜嘅引力拉左埋去，
終於...我嘴左落去，我嘅雙唇緊貼住阿瑜嘅雙唇，口水亙相滋潤...，
阿瑜亦好受樂咁瞇起雙眼...我地kiss左半分鐘，之後我張我塊面稍為拎開左小小...
然後望住阿瑜果塊已經紅哂嘅面....
「...可唔可以做我女朋友呀？」於是我講出...示愛一定會講嘅經典對白，
喺依一刻...我覺得自己已經有九成把握啦。
「.....！」阿瑜...佢靜左落離，諗左一陣...大約過左半分鐘之後....
「...比我考慮吓先啦！」阿瑜dup到個頭好低，用微弱嘅聲線答我，
估唔到...阿瑜竟然會咁答....其實佢啱啱嘅行為，
唔係已經默認左對我嘅愛意啦咩，仲有啲咩需要考慮呢？
「...因為你男朋友？」我問。
「......！」阿瑜冇出聲，但係佢唔講我都估到應該係。
「...明嘅...諗清楚先囉！」我講，之後我就送左阿瑜去搭車，
跟住我再返思敏屋企諗住匯合返阿妹佢地啦。
返緊去嘅途中我喺度諗，估唔到會（臨門撻q），頭先嘅氣氛加埋阿瑜嘅反應，
諗住實食無痴牙架啦。我睇得出阿瑜係鍾意我嘅，只係唔知點同肥仔男友分手姐，
比啲時間佢...應該好快會搞得掂嘅。
「...叮噹！」
「...嚓...！」
返到思敏屋企門口，撳完鐘之後...等左一陣就有人開門。
「...嘻嘻...聰哥，你返離啦...hehe!」開門嘅係思敏，好似飲大左兩杯咁，
成面紅哂...仲係咁傻笑...腳步浮浮咁撲左埋離。
「...做咩呀你！」我一邊捉住思敏，一邊拉住佢行返入屋，再扶住佢坐左埋梳化度。
間屋好靜，所有人都已經走哂，我再望望我部電話，原來已經凌晨一點鐘。
周圍好凌亂，枱面放左幾枝紅酒同xo喺度，睇離頭先佢地隊完一輪離。
「...嘻嘻...聰哥，我地飲杯吖！」思敏繼續拎起枱前嘅一杯酒講。
「...唔好飲啦，乖乖地坐定定先，我去廁所攞條毛巾比你！」我拎返開思敏手上杯xo，
然後行左去思敏屋企個廁所度，開熱水諗住整條熱毛巾比佢抹抹返面啦，
但係期間whatapp突然傳離訊息喎！
「...咇...！」我放低塊毛巾，抹返乾對手，拎起左部電話睇。
原來係阿瑜，嘻嘻...唔通佢咁快就同左肥仔講分手？睇吓佢講咩先。
「...阿聰...我諗我唔可以同你一齊，因為我有男朋友你是應該知道的，
我唔想放棄他，雖然他外貌不算好，但對我從一而終。至於阿聰你...
其實我覺得你...比唔到安全感我，因為通常靚仔都冇乜本心....對不起！」阿瑜 1:05am
吓....阿瑜佢講緊乜野呀？靚仔冇本心？原來係佢眼中我係一個靚仔離架？但係佢會唔會誤會左我呀？我邊忽冇本心呀？
「...信我....我唔係花心嘅人，我對你係真心！」 聰 1:08am
點解佢會咁諗我架，我根本就唔係。
「......！」阿瑜1:15am
「...比次機會我吖，我會証明比你睇架！」聰1:20am
「...我冇咁嘅勇氣...對不起！」阿瑜最後上線時間就係凌晨一點二十五分，
而最後一句留比我嘅說話，話比我聽佢真係好決絕。
我坐左喺廁板上面望住部電話，不禁灑下男兒淚......時間就此停留.....
謝霆鋒 你不會了解
我不想擁有愛你的 每一夜
我也不想要 對不起全世界
所以不需要解釋誰
所以可以溫柔不退
一切就看你心裡要不要勇敢些
我想你陪我站在神這一邊
就算沒人有權利賭你的明天
可是真愛就在眼前
只是我們是否看見
所以抓著你雙肩 看著你的雙眼
但你不會了解 我守著人間每一夜
你不需要安慰 不需要理會傷了誰
要我閃過這一切比登天還難了點
就頑固地等著 最好還有輪迴
但你不會了解 我沒有後悔流下淚
我張開了翅膀 然後往你的方向飛
你輕輕的閉上眼 我挽著你飛向天
讓你就這麼呼吸 我的世界
我想你陪我站在神這一邊
就算沒人有權利賭你的明天
可是真愛就在眼前
只是我們是否看見
所以抓著你雙肩 看著你的雙眼
但你不會了解 我守著人間每一夜
你不需要安慰 不需要理會傷了誰
要我閃過這一切比登天還難了點
就頑固地等著 最好還有輪迴
但你不會了解 我沒有後悔流下淚
我張開了翅膀 然後往你的方向飛
你輕輕的閉上眼 我挽著你飛向天
讓你就這麼呼吸 我的世界
https://youtu.be/iSp_byES0C0
抹乾眼淚，我拎住塊毛巾行返出廳，扶起挨左喺梳化度嘅思敏，
喺咁易幫佢抹一抹塊面，之後我就坐左喺佢旁邊繼續哽咽難言，
內心忐忑不安，不斷回想頭先同阿瑜甜蜜嘅時刻，彷彿就好似已經同左阿瑜一齊咁。
我攞起左枱上嘅一枝（xo），一邊飲一邊幻想同阿瑜喺公園慢步嘅時刻，
仲幻想之後我地一齊返左屋企，我地兩個人坐左喺梳化度互相擁抱、
kiss，阿瑜雙唇果種暖暖嘅感覺好真實，我地互相擁吻...由客廳糾纏到睡房，
我地互相愛撫...之後仲係床上面翻雲覆雨，好甜蜜、好幸福，
之後我地一齊喺被窩入面纏綿.....希望依個夢，一直都唔好醒....