有種毒撚叫邊緣人: 第三章:女班長登場，女主角的出現?

第三章:女班長登場，女主角的出現?
回到座位後，我驚魂未定，Mk傑少對我說:「我真係恭喜你啊！」

頂你，仲玩落井下石。

Miss Lee說:「班長，出黎派通告。」

對於「班長」這稱呼，依然尚未習慣。從前對班長這職位是帶有點討厭的態度，認為他們是擦老師鞋、扮乖的學生，但沒想到現在我要反過來擦老師鞋，被人討厭。

迅速派完通告後，我回到座位上，開始想着不當班長的理由，此時Miss Lee說:「我地只係選左一個班長，仲有一個位，邊個想做班長?」





對了，一班是有兩個班長的，先看看誰當班長，然後才想想辭不辭職吧!

我是這樣想，很天真地。然而，只見班上冇人夠膽舉手，看來我想辭職也難了!

在沉默之下，一位女同學突然舉手，說:「我想......」

這位女同學和我一樣，都是坐在邊緣位，也就是班房的角落。在學校無見過她，聽閒好像是插班生。班上的人鬆了一口氣，感激那位插班生替他們擋了一劫。

那位女插班生繼續:「我想......我想去廁所。」





班上既人都忍吾住笑左出來，但有些心水清既人立刻收起了笑容，因為他們知道自己尚未逃過一劫。

「想去就去啦，吾使舉手。」Miss Lee說。

「吾係，仲有我想做班長。」女插班生答。

「你真係想做班長?」

「係啊，我轉校之前做過班長。」





「咁仲有無其他人想做班長?」

當然無人舉手。

「咁就由依位女同學做班長啦，記得聽日去聽cource，新同學有無問題?」

「有。」

「問啊。」

「我可以去得廁所未?」

佢去完廁所之後，就出左黎自我介紹。





「大家好，我叫錢凱晴，英文名Hilary，我係喺九龍既XX中學轉過黎，請大家多多指教。」

望清楚佢個樣，佢成個乖學生樣咁，的確幾可愛，佢喺佢以前間學校到應該幾受歡迎。

Miss Lee廢嗡左陣之後，就放學喇。

我:「唉，今日真係慘，被個死人李婉欣無端端屈左做班長。」

Justin:「都吾一定慘啊，有個咁靚女既同事，大把相處機會啦!」

我:「頂你，講呢D!」

到了第二天，收完又派完一輪通告後，便好快放學。

Hilary走過來對我說:「我想問去邊到上course?」





如是者，我就帶左佢去小禮堂坐低左。

尷尬的氣氛瀰漫在我們之間。

幸好她打破了沉默的氣氛:「你叫咩名?」

問這種生梗的問題，總好過甚麼也不說。

「我叫馮梓堅，英文名Egbert。」我又問番佢問題，「係呢，點解你會轉校啲?」

「無啊，咪就係因為搬屋之嘛。」

「原來如此。」





接着又沉默了。

我嘗試想些問題問她:「咁你以前間學校係點架?新吾新?」

「都算新既，有十年左右。」

「咁點解你會揀個間學校?」

「其實因為距離我屋企比較近，翻學方便D姐。」

「咁D老師好吾好架?」

「都ok nice既，但係佢地都幾嚴囉！」

「嚴得過我地既李婉欣咩?」





「你講Miss Lee?佢琴日只係施下馬虎姐，都吾係好嚴姐。」

「緊係吾係啦，係你未見識到姐，拭目而待啦！」

如是者，我們就不斷討論這間學校與她以前那間學校的分別。這是我與她第一次單獨相處。