＜＜紋身師──存於平泊殘缺的瑰麗＞＞: 第二十四章：繼而來往

　　「連大頭文都搵到黎哩度，睇怕係時候要轉竇喇。」風少打趣道。

　　「你咁講侮辱性好強呀下。」大頭文的語法就是不同常人。

　　「侮辱性好強呀下。」林乙模仿著他的語法。

　　大頭文：「風少講得岩架，而家風聲好緊，你三個兄弟而家仲跟緊煙爺學野，（他自己打岔道：「其實我都收風收得好急好密架喇。」）一定要有個安心休息既地方比佢地。仲有你大佬呢，岩岩出……」

　　「丫，咁一陣我地去搵煙爺商量一下。佢咁錫我，我出聲一定有辦法比我地既。」林乙搶著不讓他說到笑面虎的事。





　　「雖則煙爺係好人，我都感受到，但我地都應該先處理好自己既事先。」風少環看了一下他的屋子。

　　「而家已經比人將軍架喇，唔好理咁多，食埋野先走啦，反正，要執嘅野唔多。」他補充。
 
　　「哩度係你地頭，當然你話事啦。我想講番，我搵到上黎係我本事。」大頭文想要邀功一下。

　　「你咪又係按本子辦事，如果冇件黑衫罩住你，你喵都唔係呀。」林乙與他鬥嘴。

　　「其實你地協會內部神通廣大，知道我地係度唔出奇，之但係點解會有興趣查我呢？」風少也加入討論。





　　「咁當然係我地收埋左佢地既寶貝核心成員啦。」小雙放開縷纏男友的手轉而撘向林乙肩膊。

　　「我敢肯定佢地而家一定打鑼咁搵你，而且托大頭文落單果個仲一定有來頭。」雙手由撘膊改為繞頸，臉頰貼著髮絲經擦，一幅依依不捨的模樣。

　　「落單？咩落單呀？」大頭文一臉茫然。

　　「以你既智商唔會明白架喇。」風少拍拍他的肩安慰道。

　　是的，這世界並不如此公平，每個人都有一定的天資，在當「肅清隊」的一群，若你不是有天資的一堆，只會淪為傳訊的信差。





 　　用過餐之後，一行四人離開了「安全屋」。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－ 

　　「跟你介紹，這位向左先生。」在半山大宅洋房內，只寂寂的坐著三人，一肥一瘦一老。

　　先打招呼的是肥子：「你好，你好。」

　　「我知道你地今次黎係想講交接既事宜。」向左先生端著茶壺。

　　「係呀，老喇，呵呵呵，要讓賢喇。」陳洋呷著茶。

　　「唔好咁講，係小弟想虛心向兩位學習學習啫。嘿嘿。」呀肥笑得極為牽強。

　　「咁你就好好地收好你既嬉皮笑臉！」陳洋轉瞬動起真火。





　　「唔好勞氣，個個做細既都係咁架喇。」向左先生竟然少有的幫著這陌生的肥仔講說話。

　　這更加令陳洋覺得沒選錯人。

　　「這個人有著和譪的氣場，做大事絕對多人照應。」他心想。

　　「講番正經事，哩度有兩份轉交合約，如果冇問題，陳先生你簽個名就架可以喇。」向左先生平白的攤出合約。

　　上面寫著，陳洋將移交十三個娛樂場所（包括酒吧、卡啦ＯＫ、賭場），地下錢莊（以倉庫掩飾）以及酒店，市價總值接近三億四千萬。

　　沒有呀肥預想中的電影橋段：槍林彈雨、打生打死、社團談判、江湖血戰等等場面。
　　
　　就這樣，呀肥平白簡單的接管了陳洋的一切。





　　看來除了天資，還需要多半點幸運。

待續……