＜＜紋身師──存於平泊殘缺的瑰麗＞＞: 第十七章：無瑕的末來

　　「是因為我好騙嗎？」林乙依在酒吧門外望著微微細雨問。

　　看著緩緩飄起的一縷煙，她還在猜這氣味會不會傳到遠方的他那邊。

　　「有邊個冇比人呃過丫，係睇你心唔心甘，情唔情願架姐。」她的好姊妹小雙噴吐著白霧。

　　在酒吧的陪酒少女，沒有像勵志劇中潔身自愛的女主角的覺悟，反而每甩一個男友，就拜託好姊妹紋上一個新的紋身作個少少記念。

　　圖案的一個比一個好看，一個比一個細致高雅，可是她的男友卻一個比一個爛，她也一天比一天放縱。





　　林乙：「唔係呀，我地琴日開左老豆份遺物，入面有張紙條係比我既。」
　　
　　雙：「吓？寫咩架？」

　　不是出於好奇，而是真的關心她。

　　林乙：「唔重要喇，但我唔係好明白。」

　　雙：「唔明白咩呀？」





　　林乙：「唔明白佢點解可以走得咁『瀟灑』，有啲奇怪。我意思係當中有啲古怪。」

　　小雙也察覺到問題；一直大安旨意，不用腦袋的好姊妹居然一臉反思起人生。

　　雙：「通常有哩個諗樣既人，一係岩岩開始戀愛，一係就發左達。你似係前者。」

　　作為死黨／閨蜜的小雙又怎會不知道這個一直仰慕「飛哥哥」的女孩心思。

　　林乙：「唔係呢，我係真係唔係好識呢個人，都咁多年啦。但我又唔知點解會咁在意。」





　　雙：「咁人地都話啦，老豆係你前世情人黎架嘛。」

　　林乙淺笑：「如果係咁，我前世一定對佢好差。」

　　雙：「哈哈，差到佢今世掉低你？」

　　林乙沉默不語。

　　雙自覺說多了，或許這女孩真的神經細條起來：「咁古怪既點係邊呢？」

　　林乙：「佢既死唔係我諗咁簡單，即係唔係佢地口中所講既意外。」

　　在酒吧內，客人因侍應生閒著而叫囂。

　　雙：「竟然係咁，但我要番入去做野喇，放工再同你詳談，我推曬啲仔佢，你飲住等我，今晚不醉無歸！」





　　及後，她們都沒有討論出結論，而一向不喜愛酒精的她，剛滿十八歲不久這晚就第一次醉倒了。

待續……