巨人侵襲化萊村

我今日去左隔離村，入左一間裝潢好特別，有著英倫風嘅舖頭。一個50幾歲嘅叔叔，著住印有英文字嘅圍裙，行過嚟。「你好呀，第一次嚟呀？我係Tommy。」哦⋯⋯圍裙印住佢個名，真奇怪，我睇極見唔到間鋪頭嘅名。「我自己睇下得㗎啦，唔該。」

我行到入去，見到一個二個木箱，裝住好靚嘅生果。係，係好靚嘅生果。木箱上面掛住一支銅管，吊著一個兩個小燈泡。Tommy，嗯，個店員企係遠處，一直望住我，我有點尷尬吧，就愈行愈入。原來店舖嘅盡頭係一個半圓形嘅地方，種着好多支血紅色嘅玫瑰，好似一個小莊園。

呢到好靚，好似外國嘅店舖。長型嘅舖位，高高嘅樓頂。大窗口配白色木框，用深色窗簾，簡單不失時尚感。我企係窗前面，望出去。

對面村屋，有一大班人係到示威，同店舖嘅氣氛造成強烈對比。

突然，





一只巨大無比嘅手，握着村屋嘅陽台，向上爬。佢企左係村屋上面，向地咆哮。震耳欲聾嘅聲音，一下子令我覺得好似失去什麼。