若有一天公開明張目膽的愛: 第零章下: 與猩猩的華麗邂逅

過左幾個月 唔知系咪因為我做左jerry隻兵 開始融入左女仔嘅小圈子 同女仔嘅關係熟左好多

有一次 港女時代(班上其中一個小圈子)團長Kary(出左名整蠱人) 想整蠱班男仔，於是叫齊八朵金花:佢自己，Amy，Sandy，Travis，椰達，Miko(其實係男)，仲有我娘娘 一齊喺whatsapp上面同班上其他男仔表白。

果日放左學之後 我同平時一樣都系 一放學就去locker開機 但係果日特別唔同 我手機個芒突然彈左 +852 5354 4689:“其實第一日翻學見到你 已經令我小鹿亂撞💕不如我地喺埋一齊啦😘😘”

哇屌 嚇死人咩 個心離一離啊 我呢個邊緣人竟然有人要?😱跟住我即刻以柒秒柒柒嘅時間跑左入廁所 照下塊鏡 望下自己個樣 摸下自己塊面 我都唔知點解爆左句“其實我都唔係咁樣衰姐😀”

自high完之後 我行出廁所 經過女廁 聽到"喂!椰達 你頭先喺whatsapp入面同長仔講左d咩"(kary)
椰達:"吓 冇啊 我話見到佢個樣令到我小鹿亂撞姐''




Kary:"哇 呢啲野你都夠膽講出黎 佢個樣其實令到我好想嘔就真"(kary同椰達一齊爆笑)

唔L係掛 惡作劇黎架?唉 都話我冇人要架啦😔 唔得!我一定要比d顏色佢地睇 以為我好好恰?錯啦 一陣間你地肯肯定會同我叩頭認罪😏

嗯 點教訓佢地好呢 你知啦 班女仔最驚d內臟啊 老鼠啊 浮游生物啊 林鄭啊(好似係) 咁啦 於是我用左我十幾年黎學過嘅粗口連埋心肝脾胃肺 一次過嘔比椰達 仲話佢個樣勁似猩猩）雖然係真

佢藍✅之後冇幾耐 冇返左兩日學 聽講係因為頭痛所以唔翻學 死啦 唔知系咪因為我講得太衰搞到佢喊到頭痛呢 慘啦 我會唔會真係過份左

呢個時候 Kary行過黎我身邊 :“好過分啊你 你點可以咁對椰達架 ”





慘啦 真係因為我?😱

過多兩日 椰達終於返學 我諗住行過去同佢講翻聲sorry 點知佢早我一步 行過黎 刮咗我一巴 哇 好痛啊 頂你個肺 不過佢發嬲又幾好笑喎 於是就引起我想整蠱佢嘅意欲😏

===========第零章完===========
第一章:情書?! 將於下星期三 5/4更新
後記:其實呢 我當初寫呢篇文 都有諗過萬一 如果比女主角真人 知道嘅話會唔會打我)因為現實中 佢真係會打人(點知我傻更更咁 同佢講左我寫緊篇 關於佢嘅文 我以為佢會打我啦 點知佢冇打我 反而對呢篇故事好有興趣