[誤墜]係獅隧口落車 就出左事: SP01(3)

「小白－－你要咩色既con？」 

「黑色。」其實由我細個第一眼見到阿壯，就一直覺得阿壯對黑白分明既雙眼好靚。 

阿壯話唔敢帶我去比試光師驗眼，見我視力正常就買左副無度數既黑色隱形眼鏡比我。 

因為要換左先返去，所以去左就近商場既洗手間、之前睇阿爸帶、其實都見過好多次。 

但原來帶隱形眼鏡係咁辛苦架、要撐到隻眼大一大。 





然後我地係街市買左幾包燒味，就返去食團年飯。 

當然，我地係行返去，因為－－我唔想哂左個葡撻阿。 

＊ 

『叮、噹』門鈴再次響起，不同的是我們是以輕鬆、和悅的心態等門。 

離開『界』內獅子山之後，阿壯的爸爸說這個臨時的『入口』其實有時限所在、所以不會影響日後。 





這次應門的，是一個年輕的少女、及肩的黑髮下有著分明的五官，尤其自然櫻紅的雙唇、更令外表顯得可愛。 

「阿哥，返黎喇？你娘親就－－」鬆散的衣著以及只微微睜開的雙眼令人覺得她才剛夢醒。 

話未說完，這女孩突然由一線眼縫、睜成圓滾滾的大眼珠，死命的盯緊我看。 

「哇！阿哥你真係帶條女返黎架？我仲以為你吹水添。」 

「衰妹，你可唔可以禮貌啲－－最少比我地入屋先講啦！」然後阿壯就拖著我走進屋內。 





我只向她微微一笑。

終於－－回到這裡來了！ 

我抒一口氣，自然的坐在小廳的梳化上。 

「喂！你係邊識返黎架，未聽你講過既？」女孩聲。 

「人地身材同樣都幾好，同你唔係幾襯囉！」 

「多事啦你！」 

「不過－－阿哥呀？佢隻眼係咪有啲問題？」 

「先天遺傳黎，佢睇野正常架、你唔好帶有色眼鏡睇人呀，知－－未？」 





「哎呀、哎呀，知喇、唔洗你講我都唔會啦。」 

大概佢地用以為我聽唔到既聲線對話著，但其實我的耳可靈光得很咧…… 

鐵閘聲又再次響起，我望過去、是一個帶點秀麗的婦人，本來一臉愁容。 

但進門見到阿壯後，便馬上破愁為喜、轉而帶點氣憤。 

「衰仔－－幾日去邊黎！」 

「我早幾日返黎果陣唔小心轆左落山、暈左兩日，好彩當地圍村人好心、收留左我咋。」 

這婦人伸手摸了兩摸向阿壯後腦勺：「仲痛唔痛阿？」 





「唔痛喇－－無事喇。」那婦人便順勢將阿壯拉靠自己、頭倚頭的依靠著。 

「無事返黎就好喇，擔心死阿媽喇。」 

「娘親－－對唔住。」 

這個畫面，令我想起我從未見過的媽媽、從未有機會感受到這麼溫暖的母愛，令雙膊有點冷了起來。 

不過、不緊要，我在這個家以後會有更多親人、感到另一種的親愛。 

看著他們相依，下一刻、那婦人好像注意到我。 

「衰仔、個女仔係－－？」 

這個時候應該大大方方的自我介紹吧！ 





「伯母、你好。」我站了起身，微微的弓了身、點了點頭。 

壯媽溫婉的看了看我，然後用懷疑的目光望了望阿壯、最後阿壯點了點頭。 

大概是從不用言語中的羈絆，嘗試了解我和阿壯的關係吧。 

這個時候大方承認比較好吧。 

「我係阿壯既未婚妻、我叫素妮。」我會心一笑。 

但馬上聽到壯妹好像突然發出『噗』一聲的噴水聲，然後阿壯和壯媽相繼目瞪口呆的看著我。 

他們就算了，阿壯你這人怎麼也呆在原地！ 





你又親過我、又攬過我，不是早等於承認我是你妻子了嗎？