[誤墜]係獅隧口落車 就出左事: ８７

屌，做乜鳩？ 

「跑－－跑上去跑呀！！！！」我大叫，眼前唐老鴨已經來勢洶洶。 

我兩手猛推佢兩個跑上去，驚慌的我們如箭在弦、一觸即發。 

「哥哥－－！」唐老鴨一刻間已經追到上來。 

八千代小女孩實在跑得太慢，半人高的大刀已抵隨時可以攞走八千代條小命既距離。 





我唯有停低返轉頭，打算抱起八千代走－－ 

竟料，唐老鴨對八千代視若無睹、筆直的對我衝過來！ 

但唔可以掉低八千代就走左去、此刻可做的就只有向前俯衝，擔起八千代轉身就走－－ 

『呼！』一聲，當我烏低前傾的剎那，頭頂感覺到被一股冷鋒劃過。 

頭髮好像被削去了些，但只要不是我的頭頂被削去就一切好辦！ 





我向前俯衝、擔八千代在膊頭上、轉了個身就馬上回頭跑－－成功！ 

－－才不會這麼易…… 

『嗚哇！』我感覺到背上有一劃橫越我整個背部的冰冷觸感、隨即感到皮肉綻開伴隨著熾熱的無比刺痛！ 

『阿壯－－！』小白停左腳步回頭。 

『走阿蠢人！繼續跑呀！』 





挨刀既感覺我早就試過啦！－－只係咁闊既傷口令我每走一步都全身劇痛。 

『就快出到去喇－－出到去應該就會無事！』小白無視我勸阻，回頭拖住我走。 

我見到眼前－－獅隧公路，見到出口－－！ 

就係我地全員離開隔田村的一刻－－企哂係無車既獅隧公路中心，大口喘氣。 

我回頭望住隔田村方向：「應該－－追－－唔到黎－－喇！」 

隨後我就因背上傷口垂低地、蹲了在地上。 

「起身阿壯－－！跑阿！」小白尖叫。 

我抬頭，竟然看見唐老鴨從村裡追了出來……