[誤墜]係獅隧口落車 就出左事: ７２

時份已至夜深，但四野絕無人跡既新田圍村、絕對容許我同小白可以大聲放肆亦不怕有人從高空投擲花盆。 

經與小白商量過後，我地打算今晚就出發、畢竟要行到上獅子山亦都所需不少時間。 

「既然你門口有界既出口，阿壯、你上次點走架？」小白一面對鏡梳理頭髮、一路說。 

「擒窗走囉，果陣第一次見到三個黑家既人係我門口、嚇到我傻阿！」 

小白嫣然一笑，不知是否笑我膽小抑或欣賞我臨急生智、睇怕多數係前者。 





氣氛實在太諧和、猶如新婚燕爾的小夫妻，夫家等待剛入門的妻子打扮、一同出門。 

可能我同小白之間既感情更勝一對新人、人說『小別勝新婚』，而我地一別就係二十年、但佢對我既思念亦從未間斷。 

係我胡思亂想既時間，小白已經整理好行裝、拍一下我手臂，擠出『ＯＫ』的手勢。 

順道一提，小白是時至今日先剛學起『ＯＫ』一詞。 

我地兩人一貓再次『擒窗走』，慢慢沿繩子爬到大堂平台、降直地面。 





原本小白話唔想帶埋依貓去…… 

「不如我地出一出『界』外，放低依貓先。」小白一路摸住依貓既頭一路望住我著鞋。 

「都好，行咁遠路程、隻貓跟埋去都好似無乜用。」 

「（低音）喵～～！」（你個廢柴男就無用、次次都唔夠人打） 

依貓露出凶惡的眼神，壓低聲線吼叫左幾聲、棕白相間色既尾巴筆直地豎起，彷彿十分不滿。 





「小白阿……我想問好耐架喇、依貓唔會係識人話架可？」 

小白又一笑「點會呢，只不過我近幾年既傾計對像大多數係依貓就真。」 

或者，真係我對隻貓認真左。 

結果，依貓就跟住我到去到窗邊，趁我落緊去既時候借我踏腳、輕盈的兩步就到地。 

或者你未必對沙田地貌有認識，打算徒步行上獅子山既我地，由沿獅隧公路建村既新田圍村起行、距離不算十分遠。 

橫過徹頭至尾一架車都沒有的獅隧公路，再走上專為登上獅子山的人而設既『衛奕信徑』、我地好快就去到獅子山既山腰……