[誤墜]係獅隧口落車 就出左事: ７０

但此刻仍然不解眼前狀況，我爬到窗前、發現街上、路上、甚至獅隧公路， 

不論人說、鳥啼、車馳、路嗚，一概了無氣息、整個世界再度完全陷入沉默。 

「但，我地明明已經出返黎架？點解會咁？」 

一路上見到既人同車都唔係幻覺，確確切切我係由原路返左出黎！ 

「你記唔記得，我係幾時開始身體恢復正常，你又幾時開始見到你阿爸？」 





－－開門之後。 

究竟我入屋有咩問題？唔通我道門有咩特別－－？

但我地住咁多年以黎都無特別事發生過－－所以、係近幾日既事－－？

我望向大門方向、突然心頭一震、如雷擊頂，回想起一件事。

見到既係三個手持奇怪桿型工具既人維持住一個處理緊我道鐵閘既姿勢，但全部靜止左係到望住我防盜眼既位置！ 

而該三人各戴住一個好似烏鴉嘴既口罩，重點既係……佢地雙目都係純黑色的。 

該次！我道門有三個黑家既人處理過，之後我無理會過就爬窗走左出去……

換句話來說就是他們將我家門口設成『界』的入口。

意料之外－－竟然有方法可以令『界』多一個入口！

「你見你到爸爸，只係你內心深深處想見到既事物、相信你話見到一個恐怖爸爸，都係因為你潛意識根本知道你爸爸早已不在人世。」小白走近我兩步。





雖然紫逅說過類似的說話，但我確切感覺到的老爸存在、這難道真的是我錯覺？！ 

「身為白家既巫女，入到屋之後、本來病緊既我都未可以確定，但除左漸漸身體恢復、而且感覺到『界』既架構逐漸崩解緊。」 

「我就明白到、我地身處既環境，同時有一種好不安既感覺、我知係同阿爸叫我地走之後係『界』內做緊既事有關，無論點樣、我都唔可以掉低阿爸。」小白捏著拳頭。 

「但我好矛盾、我有一種預感，相信今次再返次去、唔會再有命出得返黎，所以我自私左一日，因為我真係好想同你一齊生活、好想有同你有個『家』……」 

小白走到梳化邊，放低手上既『阿壯熊』。 

「即使只係得一日，我都已經好滿足。」 

小白微笑，但眼角飆出既、係滾滾不止既熱淚。 

一顆又一顆珍珠白般既熱淚顆失控地傾瀉。 





這是我第一次看到小白哭，原來見到自己珍視既人喊、個心真係可以好似比刀割咁。 

我擁小白入懷內、小白抱緊我放聲淘哭，從來無諗過－－堅毅、沉靜、理性既小白會失控成咁。 

「唔洗怕……」我撫住小白曲滑的小背。 
「我陪你去，今次就算有咩事、我都唔會走左去，一定會係你身邊！」 

「仲有、應承你，你一定會無穿無爛返出黎、下次一定要再帶你黎我屋企，我要你正正式式係我所有家人面前登堂入室。再要親手送多次現實既『阿壯熊』比你！」 

我伸出手指尾，要小白打勾。 

眼前彷彿時空回流二十年，兩個小孩互相承諾要再次見面。 

我捉住小白一隻手和我的手指尾打勾、心裡默然說－－「這次，我不會再失約的了！」