[誤墜]係獅隧口落車 就出左事: ３２

其實，我聽到有點唔奈煩，兜咁大個圈咁究竟即係點？ 

「咁、其實即係發生左咩事？點解所有人會唔見哂？」我開始心急。 

我講完果一刻，感覺到蔣先生有驚鄂了一下，然後有稍微既動搖、抖了一下。 

慢慢，莊嚴的雙目眼角開始沾了點淺淚。 

「估唔到會變成咁，我都講啦、我只係懂風水命理，並唔係未卜先知。」 





但，好似忽略左一個重點，既然蔣先生對件事唔知情……咁，點解佢會係到？ 

突如其來的一個清晰、加上一個可怕既念頭，令我心寒得打了個冷震起來…… 

背後好像聚焦住可怕既目光，凝視住我…… 

我馬上企左係身探頭出外，我害怕外頭早已有一批黑目人包圍了我。 

結果外面仍然係一個人都冇。 





「咁……咁，點解得你一個冇事？」我回頭望住蔣先生。 

蔣先生又再嘆一口氣。 

「一個月前，即係你前將踏入廿五歲既前一日我自己一個搬左出黎、為既就係你過世伯爺拜託我既事－－ 
『救下我個仔』。」 

「我冇咩大能、只能夠不停為你翻經查典搵解救辦法，而你我身處、車公像身後既小房就係集書最多既地方。」 

「我廢寢忘食咁不停咁查，甚至近幾日連房都冇出過、直至頭先，我先留意到外面係完全冇任何人聲，行左個圈直頭成間廟一個人都冇，返到黎就見到你！」 





「所以連外界一個人都冇，我都係聽你講先知……唉。」佢又再嘆一口氣。 
難怪蔣先生聽到之後有好似有點激動，原來係擔心家人。 

事情又回到了原點。就連蔣先生都幫我唔到。 

講真，我聽完都唔知比咩反應佢好，係喇佢算中我出事喇、咁點先得架？ 

「早一晚，我廢寢忘食係因為終於有啲眉目，好果冇算錯應該係同你六歲場大病有關。」 

究竟我六歲果陣發生過咩事，我完全醒唔起阿大佬！ 

我沉思片刻。「蔣先生，我有事想同你商量……」 

就將由轆落山醒返之後既事、一五一十咁同蔣先生講。 





佢既面色由驚疑變得訝異、再變得緊張，最後則托著頭沉思。 

＊ 

同蔣先生商量之後，佢都贊成我主動去搵返個白眼少女。 

而佢則嘗試聯絡外界、聯絡其他人。 

臨行前，佢走住咁出黎叫停我。「草仔！草仔！」 

我望轉頭眼見佢手持住一張黃色既紙。 

「我幫你求左支籤、卜左個掛，你一定要萬事小心！』 





 

駟馬高車出遠途　今朝赤腳返回盧 
莫非不第人還井　亦似經營乏本歸 

下簽。