[誤墜]係獅隧口落車 就出左事: ２９

之前講，新田圍同新翠之間係有條長梯捷徑方便兩村來往。


我一仆一轆咁從膠袋路口就走出黎。見到眼下樓梯有近十個黑目人從梯底跑緊過黎！

除左長梯、其實仲可以兜個圈，經秦石、車公廟然後再返新翠。

相信大家冇去過都聽過車公誕，熱鬧程度絕對唔會輸比耶穌誕。

目前我別無它選，屋企九成被佔據了、不能退；樓梯底正有大批追兵、不能進。





根本冇猶豫同選擇既餘地……結論我只可一口氣先跑落秦石匿一匿先！

『啊、也！』唔知係咪因為同先同黑目人搏鬥，我好似觸動到某個傷口引至爆裂出血。

但，漸近既腳步聲唔容許我停係到。

兩日黎，我咁既逃命已經試左幾次喇？我冇心情數、只係不停疲於逃命令我身心開始乏力……

始終，這裡是我地頭，要追到我都唔係咁易。





我沿斜路跑了下去、去到秦石的一間教會就匿左入去。從小我就係果間教會上興趣活動。

雖然係比屋企人迫、但都遇到唔少事、識到唔少好人，仲比我搵到條小路通到去車公廟果邊。

自然，果堆黑目人係唔可能會知有咁既秘道。

＊

我憑私家秘道捷徑，係黑目人抵達前一步走左入車公廟。





平時人煙可以用『沸騰』黎形容既地方，如今竟然一人都不剩。



[red]我行左個圈，的確係乜人都無。[/red]

奇在，廟內既萬年香仲係到、善信香爐亦有香枝燒緊。

諗左一陣。

我就咁行出去、同送死都冇咩分別，而且我諗佢地冇可能估到我咁快黎到車公廟入面。

所以，廟內係相較安全……我行近大殿、望住高崇英偉既車公金像。





不禁嘆一口氣，車公、可唔可以打救下我阿？

『ＳＨＩ……』

突然，有把厚沉既男人聲講野，雖然佢第一個音都未講完、但誤以為這裡是絕對無人同安全既我嚇左一大跳。

「細路，你點會係到架？！」