有個叫程靈嘅人話要俾三個願望我

我係一個好普通嘅中學生，普通嘅家庭，普通既同學普通嘅學校，樣貌成績身材都好普通，但係我有一個一啲都唔普通嘅名。

「喂宅吉便，早晨。好心你，新學期就開心啲啦！行快兩步啦！佢地等緊我地架。」

「早晨啊，小賢 。」

我同小賢打完招呼就急急腳咁行左入學校。一入到去就見到小恩同小文向住我地哩邊揮手。

「咁遲架你地，等左你地好耐啦！」





「唔好意思啊，遲咗出門口。」我話

係我地傾左冇耐之後就打鐘啦。之後就入禮堂聽一大堆廢話。聽完之後就各自翻班房啦。

係開學哩啲大日子，當然要快啲翻班房霸個靚位啦，識坐一定係坐最後，當然我都唔例外，禮堂完咗我就一支箭咁衝左翻班房霸定個靚位。

鄧紫丁：「喂，今年又同你哩條不幸煩膠坐。」

係啦，我自我介紹翻先，我姓畢，名詠衡，今年讀中四，花名係不幸。點解叫不幸？因為畢衡囉。哩個咁唔普通嘅名真係要多謝我老豆，佢話詠衡代表永恆喎，但係老豆啊，我地係姓畢架，不永恆啊！就係咁不幸哩個花名就誕生咗啦！





轉頭一睇先發現原來我地班有好多唔識既人，因為中四重新調整嘅原因，有好多新面孔。

「各位同學大家好，我係你地今年嘅班主任林Sir。」