布達佩斯男孩: （四）

 「 好耐好耐以前，布達同佩斯係兩個城市，一個叫布達、一個叫佩斯，兩個城市中
 
間相隔住左多瑙河。布達係多瑙河嘅左岸，佩斯係河嘅右邊。 兩個城市就好似牛郎同
 
織女咁一直相隔住一條河。直到19世紀，兩個城市之間終於起左一條鐵鏈橋，橋將兩
 
座城市連接埋一齊，從此以後，布達去佩斯、佩斯去布達都只係需要行過一座橋，而
 
座橋個名又名「情人橋」，傳說如果一男一女一齊係情人橋嘅橋頭行到橋尾，依兩
 




個人就會結婚。」 酒吧入面，啊May坐係我對面，佢托住個頭，好留心咁聽我講解布
 
達佩斯嘅歷史。 我補充一下：「橋嘅附近仲有一個情人島。」
 
情人島，真名叫做Margaret Island。 為左等啊May 清楚一D，我拎出手機，係
 
Google Map 到Search 情人島個位置比佢睇，「嗱，依個就係情人島喇～」
 
 
「真係一個島仔黎架喎，零零舍舍係條河中間，又離我間Hostel 幾近，等我聽日去




 
先。」
 
聽到佢話想去情人島，我忍唔住問佢
 
「不如我同你一齊去啦，我熟路。」熟路熟路係其次，我想同佢一齊去先係重點。
 
「真係？要你做我導遊會唔會打攪你？」啊May 好溫柔咁問我。
 
我即刻耍手又擰頭答佢「點會呢，我放緊暑假，好得閒。」




 
「咁一言為定架喇喎。」佢伸出手指尾，示意我同佢勾手指。
 
小學雞行為，不過我鍾意。
 
佢望一望手機個時間，然後佢話：「原來成兩點架喇，我上返去訓覺先，我地聽日
 
見。」係電光火石之間，我問左佢拎Contact ，加左佢FB 。
 
由於間Bar就係Hostel嘅樓下，我目送到佢入門口之後自己返屋企。
 
講開又講，我𠴱班好識做嘅朋友已經唔知去晒邊，不過男人老狗，唔通佢地去左溝女
 
又同我講咩，所以我都係自己返屋企算數。
 




我屋企離市中心大約有十五分鐘嘅火車車程，遊客黎布達佩斯只會睇到依個城市繁華
 
嘅一面,市中宏偉嘅國會大廈、閃閃發光嘅鏈子橋仲有好多個羅馬浴場。
 
我敢寫包單，冇人會認得15分鐘車程之後嘅街道係布達佩斯。
 
距離布達佩斯市中心15分鐘車程之後嘅區域被一幢幢四四方方，充滿共產主義色
 
彩嘅建築物包圍，毫無美感可言。牆身嘅顏色係灰白色，又或者係已經褪
 
左色嘅外牆，認唔到本身係咩色。大部分嘅外牆油漆有五成已經剥
 
落。大廈日久失修，離遠可以見到好破舊嘅窗同門，同布達佩斯嘅遊客區形成極大
 
對比。具體D咁講，就好似，Hunger Games 入面第一區同第十二區嘅分別。




 
上左火車之後，唔夠5分鐘列車已經離開左布達佩斯嘅舊城區，
 
窗外開始冇左好宏偉嘅建築物，取而代之嘅係一幢又一幢嘅舊樓。
 
上左火車之後，見到啊May已經加返我Facebook，
 
「聽日你Hostel 門口等，早抖～」
 
佢應該訓左，所以冇應我機，我望一望螢幕嘅時間，原來已經就黎三點。
 
到站之後，我行出車廂，返到布達佩斯嘅第十二區。
 
係破舊嘅街燈照明下行返屋企，我屋企係其中一幢四四方方，樓高五層嘅民居入面，
 




一幢冇Lift嘅大廈，要行三層樓梯到。
 
我同我家姐住係依幢樓入面嘅其中一個單位，啊爸啊媽長期住係郊區，好少會
 
返黎布達佩斯。
 
「做咩咁夜先返黎。」我一打開屋企嘅門，家姐就問我。
 
「同朋友去左飲野。」我家姐好關心我，佢大我5年，佢雖然係我家姐，係係佢扮演
 
嘅角色似我啊媽多D。
 
「快D訓喇，知唔知？」
 
我想同家姐講今日我今晚識左香港黎嘅女仔，不過佢好快就已經關埋左房門，一講完




 
野就入左房訓覺。
 
布達佩斯第一日：
 
朝早9點鐘，我已經到左啊May Hostel 嘅門口。
 
𠴱日嘅天氣就好似幅圖咁，風和日麗，歐洲嘅夏天可以話係全世界最正嘅夏天。
 
（斑馬線前面就係Hostel 嘅門口，左邊係DM,右邊係一間泰國餐廳  ）
 
「喂，等左好耐嗱？」啊May拉開門，係Hostel 入面行左出黎。
 
佢彈下彈下咁彈左出黎門口。
 
「一陣間姐，唔係好耐。」我向佢微笑。
 
沿著Hostel 嘅左邊一直行，見會到一條橋，
 
橋上面有兩條並行嘅往返電車軌，電車軌兩旁有行人路，橋嘅底下就係多瑙河。
 
向左邊望過去，離遠會望到縮到好細嘅鏈子橋,日頭嘅鏈子橋冇夜晚咁靚，
 
離遠睇覺我佢只係一橋好平凡嘅橋。
 
除左鏈子橋──時至今日，已經有好多座橋連接布達同佩斯，
 
鏈子橋特別在於，佢係第一座橋連接依兩個城市。
 
 
橋上面雙向嘅電車不停係我地身邊來來回回，啊May雙手放係欄杆上面，目光停留左
 
係遠處嘅鏈子橋到，微風吹起佢又直又黑嘅長髮，睇落去好飄逸。佢比眼前嘅風景吸
 
引住，好似想將眼前嘅景色影低咁。
 
離遠望過去，望到國會大廈好清晰嘅紅色圓頂，圓頂上面有十幾隻海鷗圍住屋頂不
 
停咁飛。日落之後，屋頂會亮起暗黃嘅燈光，𠴱陣時圓頂上面嘅海鷗數目會增加到幾
 
十隻。以前細個嘅時候，夜晚經過依條橋，好多人會誤以為圓頂上面嘅海鷗係飛蛾
 
黎，不過望真D，就會發現原來係海鷗。
 
我地一路行，沿途冇點傾過計。可能我由中學開始都比較少同女仔出街，唔係好識點
 
樣開話題。
 
有時候，鍾意一個人可以係冇原因，第一眼望到啊May我就鍾意左佢，雖然我知道佢
 
當我只係導遊一個，好快佢就會離開布達佩斯，展開佢嘅新旅程。
 
我地行下行下，就到左情人島。 
 
情人島上有一個大草地，草地隔離有一個圓形噴水池，唔少人伸左隻腳落水池入面消
 
暑。
 
係情人島上面，我同啊May 沿住草地隔離嘅小徑一直行，冇目的咁行，小徑向前再利
 
100米左右，有一個小型動物園，木造嘅圍欄入面有幾隻馬、驢仔同羊仔。
 
「好可愛嘅動物。」啊May 行近個圍欄，隨即有好多隻白色同黑白色嘅羊仔圍住佢。
 
「佢地應該肚餓喇，不如你餵佢地食野。」我指住草地上面嘅草，示意啊May去摘D
 
草比班羊仔。
 
「吓，你搞笑定認真啊？」啊May睜大眼，覺得我係呃緊佢咁。
 
為左令佢相信，我低身，係泥石中間簡左一D比較綠嘅草，餵羊仔食草比佢睇。
 
啊May終於相信，原來D羊仔真係會食係地上摘上黎嘅草。
 
「點解佢地唔自己食草？圍欄入面咁多草。」佢一路問，一路蹲低身，好專心咁開始
 
摘草。
 
「因為⋯⋯⋯⋯佢地懶。」啊May 聽完之後係咁笑。
 
「會唔會係咁啊？」佢又覺得我呃佢。
 
「仲有一個原因，就係因為圍欄入面嘅草冇圍欄出面嘅咁新鮮。」由於我係到大，對
 
得大自然比較多，所以對於依到D動物嘅生活習性我都知少少。
 
佢摘左一大扎草，用手肘抹一抹汗，跟住好興奮咁餵羊仔食，佢以為佢𠴱紮草可以餵
 
好耐，點知唔洗幾秒就比班羊仔搶晒。
 
夜晚，
 
我地坐係小徑旁嘅長椅到，係月光之下，望住佢嘅側面，
 
「你A幾O幾？」佢擰轉頭，突然之間問我一條我唔明嘅問題。
 
「咩係A幾O幾？」我問佢，A同O係咩黎，聽都未聽過，
 
佢話A幾O幾啫係拍過幾多次拖，A幾O幾係香港一入大學就會識嘅Term，
 
冇人唔識，可能佢唔記得左我其實冇係香港讀大學啦。
 
我有時會諗，如果我一直都冇離開香港嘅話，我宜家嘅人生會係點
 
樣？我會唔會都係讀緊大學，好似啊May咁？
 
「我拍過一次拖咁大把，岩岩入中學𠴱陣時。」我答佢。
 
「唔似喎，你咁靚仔，拍過一次拖？點會冇女仔埋你身？」佢咁樣講好似係讚緊我，
 
我應該開心至係。
 
我初戀之後冇再拍拖，可能係因為自己性格嘅問題，成日唔講野，懶係與眾不同咁，
 
但實質上只係一個自卑嘅孤獨精。
 
「冇啊，可能我唔係太識講野氹女仔。」我講左事實嘅其中一小部分，如果要解釋真
 
正嘅原因，我諗真係有排講。
 
初戀，因為一個女仔突然鍾意我，我本來諗住玩玩下，唔洗太認真，
 
，到佢離開𠴱陣時先知道自己認真左，放唔低佢。
 
「咁你呢？A幾O幾？」我問返佢。
 
我問完佢之後，然後佢諗左一陣，之後竟然講左一句，「唔記得左。」
 
我直覺佢係講緊大話，佢唔係唔記得左，只係唔想去記得。