【尋人】我喺Poly遇到個1999嘅怪忍者: 十四

最終，再次見到他們是在醫院。


岑日峰的傷勢較輕，只是擦傷一點皮膚，其實不用住院，反而凜和比較嚴重。


「中彈昏迷？」


「點解會中彈？」我再問。






他這麼厲害，不太可能呀。


「呃......好似係因為......幫我擋子彈......」岑日峰的聲音細得無可再細，但我還是清清楚楚聽到每一隻字。


「你最好期望......佢醒得返。」






從來昏迷的劇情，只有在TVB的劇裡才會出現，但原來真實發生時，你會很害怕。


醫生只會給你：情況好轉，但不知何時甦醒。這般模稜兩可的答案給你。


每天的等待，一個人不知何時才醒過來，每天踏進病房，期望看見的是他醒來對你微笑。






然後失望。


在凜和入院後的當天，新聞就報導，工廠大廈發生懷疑黑幫鎗戰事件，共有十多個日本人被捕。


看來近排是會清靜一點。


這段時間，學校和醫院兩邊走，岑日峰偶爾會來幫忙，畢竟凜和是因為他才受傷。


而嘉嘉也不時到來，帶著鮮花。






「聽聞空氣會好啲架。」她笑說。


結果我和嘉嘉便時常在一起，一同去照顧凜和。


「係呢，你地係點識架？」嘉嘉問。


「呃......」我搔搔頭，都不知從何說起。


「佢啱啱嚟香港，人生路不熟，闖入咗我表演個場地，就係咁。」






「原來係咁。」她對這個答案似乎很滿意。


這就好了，再問下去我都不知道該如何。


「我覺得你地感情好好呀。」


「咁佢係香港識人又唔多。」


「你知唔知，望人嘅眼神會唔同。」






「咩望人嘅眼神？」


「當你鍾意一個人，你望佢嘅眼神會好唔同。」她續說：「而佢望妳嘅眼神好唔同。」

這句說話好像在哪裡聽過。


「邊有呀。無分別。」


「就係你係世界嘅一部分，同你就係全世界嘅分別。」


我又想起那個飛鏢。






我望著床上的他。


「不過點解你地會遇到啲咁嘅事嘅？」


「呃......得罪咗黑社會。」我也不知道如何解釋。


「咁真係要好小心，好彩佢地畀人拉哂咋。」


「都係。」不然我們的安危就......


「其實嗰日本身我都要去教琴，不過好彩個學生臨時放飛機。如果唔係就。。。。」


「妳去教琴？」


「係呀。」


「妳係嗰度教琴架咩？」


「我哩排轉咗公司，就正正係你地嗰間。」


「咁真係好彩咋。」



直到第三個星期的早上，凜和終於醒過來。


他醒來後的第一句是：「妳無事就好。」


受這麼嚴重的傷，仍然是顧著這些？


「你學咩人擋子彈呀，你又唔係識金鐘罩，我最憎人啲當自己拍戲咁。」


「可是，咁他會中鎗。」


「咁你唔會架！？」


「但......如果中鎗的是他，妳會更傷心。」


聽到這裡，不知為何，不喜歡哭泣的我，竟然哭了出來。


「其實......凜和......對唔住我唔係好接受另一個人。.」


「我知道呀⋯⋯我知道。」


「唔係你咁諗......只係，女仔鍾意一個人唔係鍾意就得，而係要考慮好多野......我地好似係兩個世界嘅人。」


「我知呀。」


「咁你仲鍾意我？」


「你有權利不喜歡一個人，但沒有權利阻止人家喜歡你。」


「你唔好對我咁好，好唔好？我唔搵啦，唔想再搵，我放棄啦。你走啦。」


他還真是想從病床下來。


「你仲敢郁！？」


「不是妳叫我......」


「對唔住，我都唔知自己想點......真係唔知......對唔住......」


「唔緊要，我只是怕無機會而已。」他伸手出來。


「呃？」


「給妳的飛鏢，我取回。」


「我......」我的大腦無法思考，照他所說的去行，從袋中把飛鏢遞給他。


「我明白一個人無法接受另一個人時，其實內心都會好煎熬痛苦，所以妳當我從來沒有給過妳吧。」





所以我放棄這權利。