我係LKF做Party Girl: （三）溫室MAY

  我等緊A約我既同時，我都係仲係要番老本行Party Girl。
 
  今晚係星期四，老蘭冇星期五六咁熱鬧，但好彩我都有更番，因為上星期我係Club到𠱁到條仔開左枝Martell，都成幾錢蚊，做得野，啊頭緊係比我多D更我番。
 
 
  間Club今晚冇乜人，基乎可以係到跳芭蕾舞，即係中間自轉都唔會撞到人，啊頭係Whatsapp group 到話 「L, section B 冇人，唔該你去個到企下。」
收到Order 之後，我就即刻狗衝過section B。
 
 番PartyGirl除左鳩企，仲要得閒Check下PartyGirl 大家庭個Whatsapp，隨時要走位，邊到冇人就要去撐下場。我覺得，Party Girl既職責就係兩個字「撐場」，叻少少既可以叫坐檯班人開枝酒，可以拆下佣。做開既人同我講，開得檯既唔會孤寒得去邊，所以我通常都Target佢地坐檯班男人。
 


  去到Section B，我撞到另外一個Patry Girl，佢叫做啊May，讀緊港大文院。外型方便，短頭髮，眼大大，皮膚好白，白到冇乜血色，165CM左右，係一個靚女黎。不過講真，番得Party Girl，個樣身材都唔會差得去邊，太柒太豬既話都唔會請。
 
（真係唔可以怪人整容, 學瑪麗蓮·夢露講番句Everything happens for a reason.
 
「聽講你上星期開左枝Martell，點做到架？過兩招黎啊靚女。」啊May見到我第一句講既野。
 
嘩，原來我個朵響左，不過唔奇怪，因為每次開到單要影一影枝酒Sd去group報道一下，係開到單既證據，咁先有佣拆。
 
「哦～唔係好難姐。」繼續講，「睇住，」
 


我扮左一個可憐樣出黎，「我呢，有D口渴，如果呢，有野飲就好喇。」
 
「下，咁都得，咁點叫到佢地開枝咁貴既酒？」啊May好驚訝咁問。
 
唉，如果啊May明白一個道理，佢就應該唔會咁問。
 
男人入到Club都係想溝女姐，入得黎就預左洗錢，猶其是有D男人，根本
 
當錢唔係錢，對於佢地黎講只係一個數字，少左個幾千蚊佢地一D都唔會有感覺。
 


JC （我一個朋友）講得岩，「唔好將你銀包入面既錢當係人地銀包入面既錢，你覺幾
 
千蚊好多，係因為你個Input 同人地個 Input差好撚q遠啊。」
 
我Hea 應左一句「睇彩數。」
 
「哦。」啊May 答。
 
睇黎，有D野真係要社會大學先會學得識。
 
三點鐘既時候啊頭係Whatsapp group到叫我地班PG收工，個場太靜，Cut鐘。
 
番到去Office 打卡，啊May跟住我，佢話覺得我係好似大姐姐咁，有種成熟既味道，我比到安全感佢
 
佢問我「點解你19歲咁鬼成熟嘅？」


 
「我都唔知，悲慘經驗磨練出黎掛，你唔明架喇。」
 
對住係溫室長大既啊May，我點講佢應該都唔會明得晒，始終聽番黎同經歷過係兩固事。
 
「係呢，你學歷咁高，做咩唔番其他Part Time，走黎番Party Girl？」終於到我到問
 
題。
 
我地一路傾一路沿住德己立街個斜波行落去紅Van站，原來大家都住港島，仲要咁岩
 
搭同一架紅Van。
沿路有班頹鬼周身酒氣咁係條街到盪，我拉住同啊May加快腳步越過左班頹鬼。
 
「我之前幫人補過下習架，不過好Q悶，又要懶係正經咁，唔岩我做。」


 
佢補充「PartyGirl一個鐘百五蚊，同補習差唔多價，仲一番可以番幾個鐘，補習最多
 
咪兩個鐘，真係車錢都蝕埋。」佢講個時有D火。
 
我以為大學生好巴閉，唔，原來，大家思維差唔多。（我安慰自己）
 
咁又係－ 有邊個會取難捨易，自己攞苦黎辛呢？
 
「我到站喇，遲D再傾。」我同啊May講完就落左車。