[前傳]是咁的，我嘅職業係幫想自殺嘅人寫遺書: 120.片尾彩蛋︰命中注定
「我翻嚟喇。」
「你翻嚟喇？」
miki一跳一跳咁彈出嚟，佢今日睇嚟心情好好。
呀，其實由我地同居開始佢心情就無差過。
但日日都咁開心，幾好吖。
「喂喂喂，我考吓你。如果兩個唔識嘅人，連續遇到三次係咩呀？」
「蟻多嬲死象。」
「頂！唔係呀！你咪喺度九唔搭八啦！第一次係偶然，第二次係必然，第三次係命中注定呀！」
「你又睇咩劇學對白？」
「哈哈！〈命中注定我愛你〉呀！」
miki好開心咁攬到我實一實。
都唔知個傻妹無啦啦諗起啲乜，算，佢開心就得。
「係喇係喇，命中注定我愛你呀。」
真係完