[前傳]是咁的，我嘅職業係幫想自殺嘅人寫遺書: 104.或者

「bobo自殺並不是衝動而做的，但她曾經想過立即自殺。她把刀放在手腕的時候，是你的wtsapp阻止了她。」

隔咗好耐，對面都無打字。

一段錄音腥過嚟。

哭喊嘅抽搐同雜亂嘅呼吸聲，過咗幾秒，阿瀅問：「⋯⋯係⋯⋯係咪真架？」

或者只係一個大話，又或者真係曾經發生過。





bobo無講，所以兩個可能性都有機會係真實。

但即使係大話都好，我都想令阿瀅相信依件事發生過。

「真嘅。佢話好多謝你，陪咗佢咁耐。」

然後佢就無再覆我，可能因為喊緊。

「謝謝你。」





依句多謝，已經係隔咗好耐之後，阿瀅同我講嘅最後一句說話。