[前傳]是咁的，我嘅職業係幫想自殺嘅人寫遺書: 95.被逐出
我睇完封信，就去開「禮物」嘅資料夾。
入面係一幅油畫嘅圖檔。
畫入面以白黃色為背景，一男一女分別拖住一個小朋友。個女仔就係bobo，男仔嘅笑容栩栩如生，應該就係文傑。
而佢地嘅小朋友，相信就係月晨同月曦。
四個人笑得好甜，天使喺佢地身邊飛舞，守護依家人。
幅畫嘅標題係：「我們的未來」。
當我諗起bobo喺畫展嘅作品係幾咁血腥同絕望，就更加難以相信依幅畫係出自同一個畫家嘅手。
對佢嚟講，同文傑一齊，真係幸福到同上咗天堂一模一樣。
但bobo最後，被逐出咗伊甸園。