[前傳]是咁的，我嘅職業係幫想自殺嘅人寫遺書: 80.你要永遠記住

佢懶得戚咁挨塊面過嚟：「嗱嗱嗱，錫我啦。」

我難以置信咁望住佢手中嘅扭蛋，入面竟然真係on9版比卡超。

「點解一扭就扭到架⋯⋯」

「係真愛嘅力量呀。你要好好留住佢，然後永遠記住我一扭就中你想要嗰隻。」

我擘大眼，凌晨三點十二分，視線喺昏暗嘅房入面搜索靜思扭俾我嘅on9比卡超。

搵唔到。

係我丟咗？定由一開始靜思就無扭過依隻公仔畀我？